قائمة بـ8 حاجات لازم تعمليها بعد الولادة عشان تحسني صحتك وتحافظي عليها 

طبعا كلنا بنسمع عن مدي صعوبة الحمل على الجسم لكن هل فعلا إحنا عارفين إيه اللي بيحصل للجسم بعد الولادة؟

هنا هنقولك نصايح هتخليكي تتعافي وتستعيدي حيويتك ونشاطك بعد الولادة (وده مش بديل لمتابعتك مع دكتور نساء وتوليد) ومبروك علي البيبي الجميل

إزاي تستعيدي نشاطك وحيويتك وصحتك:

1. الراحة :
   ممكن يكون الموضوع واضح جدا انك لازم ترتاحي بعد الولادة. بس للأسف مبيتمش تطبيقه بنسبه كبيره. ممكن الخوف من المسئولية والرعاية اللي بيحتاجها الطفل دا غير عياط الطفل كل ده بيسبب قلق وعدم استقرار وبالتالي عدم الراحة. بس لازم تتأكدي أنك بتحصلي على قدر كويس جدا من الراحة لان ده اللي هيساعدك على التعافي وهيكون في مصلحه الطفل اكتر. ده غير ان الحركة الكتيرة في وجود غرز او جراحة ممكن تإذيكي
2. حمام المقعدة:
   بالرغم من إن جسم الإنسان مصمم انه ممكن يسمح بخروج كائن كامل الهيئة منه لكن ده مش معناه انه مش هيكون في الم.
   لو عندك أي شقوق جراحيه أو تمزقات فلازم تحافظي علي نظافتهم و نظافة الغرز اللي بتربطهم  ولو مفيش أي خياطه فمن الممكن إن الفرج بيكون لسه ملتهب أو متورم عشان كدا حمام سيتز (حمام المقعدة) بيحافظ علي الجزء السفلي نظيف.
3. الفوط الصحية :
   بعد 9 شهور من نعمه عدم وجود دوره شهريه من الممكن إن النزيف بعد الولادة بيكون ثقيل جدا. عشان كدا لازم ترتدي فوط صحية زيادة عشان تكوني مطمئنه وممكن ترطبي الفوط الصحية بالالوفيرا (جل الصبار).
4. استخدام التواليت مع عدم الجلوس :
   هو أنا قولتلك إنه احتمال كبير يكون عندك تقرح في المنطقة السفلية ؟

لو وانتي بتقعدي علي التواليت بتحسي بالم في قاع الحوض يبقي لازم متكونيش في وضع الجلوس ، لازم ترتفعي عن المقعد بمسافه بسيطة أو الميل علي جانب واحد ، ولازم في الأيام الأولي بعد الولادة تلاقي وضعيه مريحه للحمام .

1. كمادات قطع الثلج :
   بعد الولادة في المستشفى ممكن الممرضة تكون استخدمت معاكي كمادات ثلج سواء بالجلوس عليها أو من خلال وضعها في الملابس الداخلية لان الثلج بيساعد علي تهدئه الورم و الترطيب. ولو معملوش معاكي كدة في المستشفى فممكن تعملي دا في البيت. بس لازم تاخدي بالك إن مينفعش تسيبي كمادات الثلج اكتر من 15 دقيقه ولازم يكون في طبقه واقيه من القماش بين الجلد و الكمادات لو بشرتك حساسة.
2. استخدام فوط معالجه طبيا:
   الفوط المعالجة طبيا بتساعد علي تخفيف و تبريد الأعضاء التناسلية و المناطق الحساسة و خصوصا لو حصلك أي أعراض أو اتاكدتي من حدوث البواسير أثناء الولادة، الفوط المعالجة طبيا دي بتخفف الألم بشكل ملحوظ و ممكن استخدامها علي الأنسجة المهبلية. لازم تستخدمي الفوط دي في التنظيف كل مره في الأسابيع الأولي من الولادة.
3. مترهقيش نفسك أثناء دخول الحمام :
   لازم نتأكد إن الأمعاء بتعمل بشكل منتظم بس مش معني كدا انك تبذلي مجهود أو تضغطي على نفسك أثناء الحمام، لان الضغط الزايد أثناء الحمام بيعمل ضغط على مناطق حساسة محتاجة للراحة و الشفاء. عشان كدا ممكن تشربي سوائل كتير و تتناولي اكل غني بالألياف الطبيعية واتباع نظام غذائي جيد أو استخدام ملين للبراز (بعد استشارة الدكتور) عشان تسهلي عملية الإخراج بشكل طبيعي بدون مجهود.
4. استخدام الفيتامينات:
   حمض الفوليك:
   لازم تاخدي علي الأقل نص ميليجرام من حمض الفوليك كل يوم لان حمض الفوليك بيلعب دور هام في صحه الدم و صحه القلب .
   فيتامين د :
   الطفل بيحتاج إلي فيتامين D و اللي بيوصله من خلال الرضاعة الطبيعية من الأم .عشان كدا لازم تحرصي علي تناول كميات كبيره من الأكل اللي بيحتوي علي فيتامين  D لصحتك و صحه الطفل.
   الحديد مع فيتامين C:
   بالرغم من إن الحديد معدن لكن هو عنصر غذائي مهم جدا بتحتاجي لتجديده بعد الولادة لان فقدان الدم أثناء الولادة بيؤدي إلي استنزاف مخزون الحديد عندك. عشان كدا لازم تحرصي علي تناول أطعمه فيها كميات عالية من الحديد مع أطعمه بتحتوي علي فيتامين C بكثره عشان تقدري تعوضي نقص الحديد في الجسم لان فيتامين C بيساعد علي امتصاص الحديد
   زيت السمك:
   زيت السمك هو مصدر غني جدا بماده الأوميجا 3 و الأحماض الدهنية اللي بتقلل بنسبه كبيره من اكتئاب ما بعد الولاد هدا غير إنها بتساعد في تطوير الدماغ و انسجه العين عند الطفل.
   الكالسيوم :
   الكالسيوم عنصر أساسي بعد الولادة سواء كنتي بتقومي بالرضاعة أو لا لان بيتم نقل الكالسيوم دا للطفل و بيساعده في تكوين جسم طبيعي و صحي و لو الأم مش بترضع فـ ده بيساعدها في التعافي و العودة للجسم الطبيعي المتناسق.

لو ولدتي بالسلامة او على وشك انك تولدي وعايزه تطمني على صحتك تقدري تحجزي عند دكتور نساء وتوليد من دكاترة النساء والتوليد المتخصصين من على موقعنا

References:

• http://healthyeating.sfgate.com/vitamins-should-women-after-giving-birth-9720.html
• https://www.livestrong.com/article/547488-what-kind-of-vitamins-should-i-take-after-having-a-baby/
• https://www.baby-chick.com/postpartum-vitamins/
• https://www.mom365.com/mom/health-and-fitness/vaginal-birth-recovery