اسهل دليل هيساعدك تتخلصي من اﻵم الدورة الشهرية بـ 12 طريقة سريعة تعمليها في البيت 

آلام الدورة الشهرية بتحصل في المنطقة السفلية من البطن والظهر نتيجة لتقلصات الرحم اللي بتحصل أثناء طرد بطانة الرحم خارج الجسم. الألم ممكن يكون خفيف أو قوي وبتبدأ عادة من يوم أو يومين قبل بداية الدورة الشهرية وتستمر لمدة يومين لـ4 أيام، وممكن يكون معاها أعراض تانية مختلفة زي الدوخة، الغثيان، القيئ، الصداع، أو الإسهال. تقلصات الرحم وآلامه ممكن تزيد نتيجة للضغط النفسي.

أكتر من نص الستات في العالم بيجيلهم الم خلال الدورة الشهرية، وبعضهم مبيكونوش قادرين يقوموا بشغلهم خلال الفترة دي.

 في طرق سريعة وناجحة لتخفيف الألم في البيت:

1. اهتمى بنوعية أكلك:
   قللى الدهون فى اكلك لأن تقليل الدهون بيقلل الالتهابات بشكل عام في الجسم، كلى ألياف وخضروات وفاكهة وقللى من الكربوهيدرات. كمان المكسرات زي الجوز واللوز وزيت الزيتون والبروكلي والرز البني والأسماك والفراخ والخضروات الورقية غنية بالحديد اللى هيعوضك عن الحديد المفقود خلال الدورة الشهرية.
2. المسكنات
   زي البروفين ممكن تساعد على التخلص من الآلام الناتجة من إفراز مادة البروستاجلاندين لأن المسكنات بتعكس عمل المادة دي فبتقلل الإحساس بالألم.
3. استخدمى الحرارة الخفيفة
   ممكن نستخدم قربة حرارية من الصيدلية، أو نحط شوية رز في كيس من القماش ونسخنهم في الميكروويف لدرجة الحرارة المطلوبة وبعدين تحطها على منطقة البطن والظهر عشان نخفف الألم. بحسب دراسة اتعملت سنة 2012 على نساء بتتراوح أعمارهم بين 18-30 سنة تطبيق الحرارة بدرجة 40 مئوية بيخفف من الألم بدرجة توصل لفعالية المسكنات. 
4. دلكى منطقة البطن
   تدليك البطن أثبت فعاليته في تخفيف الآلام بنسبة كبيرة أثناء وبعد الدورة الشهرية. التدليك باستخدام الزيوت الأساسية كمان ليه نتايج أحسن في تخفيف حدة الألم.
5. ابعدى عن الأكلات المليانة بالدهون والأملاح الزايدة والكافيين والكحوليات.
6. اشربى أعشاب طبيعية زي الجنزبيل والقرفة والنعناع والشاي الأخضر بالليمون.
7. زيت السمك وفيتامين ب1 اللي ثبت فعاليتهم في تخفيف آلام الدروة الشهرية لو اتاخدوا مع بعض.
8. العبى تمارين رياضية خفيفة لانها بتساعد فى تخفيف الألم لأنها بتفرز الاندورفينات في الجسم واللي بتقلل من الألم بشكل كبير.
9. كلى الأطعمة الغنية بالمنجنيز زى اللوز والسبانخ لأنه بيساعد على بسط العضلات وتخفيف انقباضاتها وتنظيم عمل الأعصاب،,وخلي بالك من النسبة المتوسطة للمنجنيز اللي بيحتاجها الجسم بالنسبة النساء. 
10. حبوب منع الحمل: لاحتوائها على الاستروجين اللي بيقلل تقلصات الرحم وبالتالي بيقلل الألم الناتج عن الدورة الشهرية.
11. ابعدى عن التدخين أثناء الفترة دي لأن تقليل التدخين بيقلل من تقلصات الرحم وبالتالي بيقلل الألم.
12. اشربى شاي الكاموميل اللي أثبتت الدراسات انه بيساعد على استرخاء الرحم وعضلات الجسم عموما.

ولو حسيتي ان الألم زيادة عن كل مرة او مش قادرة تستحمليه يفضل انك تروحي لدكتور عشان تطمني ان مفيش مشكلة في الرحم.

هتلاقي دكاترة نساء وتوليد على موقعنا وهتقدري تحجزي عند دكتور/دكتورة نساء وتوليد في المعاد اللي يناسبك:

References:

https://www.everydayhealth.com/treatment/womens-health/ways-to-relieve-period-cramps/

https://www.healthline.com/health/womens-health/menstrual-cramp-remedies#herbs

https://www.medicalnewstoday.com/articles/157333.php