9 أعراض تعرفك إنك عندك أنيميا و5 طرق سهلة تحمي نفسك بيها 

الأنيميا أو فقر الدم هو حاله بيكون فيها مفيش كرات دم حمراء سليمه كفاية عشان تنقل الأكسجين الكافي للجسم و الأنيميا بتخليك تحس بتعب و ضعف شديد.
و الأنيميا ليها أشكال كتيره و لكل شكل منها أسبابه الخاصة و الأنيميا ممكن تكون مؤقته أو طويله المدي و درجه خطورتها متغيره.

طب إيه أعراض الأنيميا؟
بتختلف الأعراض و العلامات للأنيميا علي حسب نوع الأنيميا و في الغالب بتكون :

1.  إعياء
2. ضعف
3. اصفرار في لون الجلد والجسم عامه
4. عدم انتظام ضربات القلب
5. ضيق في التنفس
6. الدوخة والدوار
7. الم في الصدر
8. الشعور ببردوه في الأيدي والقدمين
9. صداع في الرأس

والأعراض ممكن تكون بسيطة في الأول وبتزيد مع زيادة درجه الأنيميا.

طب إيه أنواع الأنيميا:

1. أنيميا الحديد: ودا النوع الأكثر انتشارا في جميع أنحاء العالم وبينتج بسبب نقص الحديد في الجسم واللي نخاع العظم بيحتاجه لتصنيع الهيموجلوبين واللي بينقل الأكسجين من خلال خلايا الدم الحمراء.
2. أنيميا مكملات الحديد: ودا بيحصل مع السيدات الحوامل وبيتسبب فيه أيضا حالات فقدان الدم زي نزيف الحيض الشديد والقرحة والسرطان والاستخدام المفرط لمسكنات الألم.
3. أنيميا الفيتامينات: ودا بينتج من نقص حمض الفوليك وفيتامين ب 12 واللي بتحتاجلهم لإنتاج خلايا الدم الحمراء السليمة.
4. أنيميا الأمراض المزمنة: ودا بيحصل مع الأمراض المزمنة زي السرطان وفيروس نقص المناعة المكتسبة (الإيدز) والتهاب المفاصل (الروماتويد) وأمراض الكلي والقولون واللي بتأثر على إنتاج كرات الدم الحمراء.
5. فقر الدم اللاتنسجي: ودا نادر وبيهدد الحياة ودا بيحصل لما الجسم بيكون مش قادر علي إنتاج كرات الدم الحمراء بشكل كفاية ومن أسبابها العدوي وبعض الأدوية وأمراض المناعة الذاتية والتعرض للمواد الكيميائية السامه
6. فقر الدم المصاحب لمرض نخاع العظام: ودا بيكون من خلال بض الأمراض اللي بتأثر على إنتاج الدم في النخاع العظمي زي سرطان الدم وتليف النخاع العظمي.
7. فقر الدم الانحلالي: ودا بيحصل لما بتتطور الأنيميا لدرجه إن تدمير خلايا الدم الحمراء بيكون أسرع مما النخاع العظمي يقدر ينتج مكانها.
8. فقر الدم المنجلي: ودا بيكون غالبا وراثي وخطير ودا بينتج من خلال نوع من الهيموجلوبين اللي بيجبر خلايا الدم الحمراء إنها تاخد شكل المنجل أو الهلال والخلايا دي بتموت بسرعه ودا بيؤدي لنقص مزمن في خلايا الدم الحمراء.
9. في أشكال تانية للأنيميا زي الثلاسيميا وأنيميا الملاريا.

إزاي تحمي نفسك من الأنيميا :

1. تناول طعام غني بالفيتامينات:

منقدرش نمنع كتير من أنواع فقر الدم لكن ممكن نتجنب فقر الدم بسبب نقص الحديد وفقر الدم بسبب نقص الفيتامينات من خلال نظام غذائي سليم بيعتمد على الفيتامينات والمواد المغذية زي:

• الأطعمة اللي بتحتوي علي الحديد زي اللحوم والفول والعدس والخضروات الورقية الخضراء والفواكه المجففة.
• الأطعمة اللي بتحتوي على حمض الفوليك زي الفواكه والعصائر والخضراوات الورقية الخضراء والبسلة والفاصوليا والفول السوداني والخبز والحبوب والمكرونة والأرز.
• الأطعمة الغنية بفيتامين ب12 زي اللحوم ومنتجات الألبان والحبوب ومنتجات الصويا.
• الأطعمة الغنية ب فيتامين c زي الحمضيات والعصائر والفلفل والقرنبيط والطماطم والبطيخ والفراولة واللي بيساعدوا على زيادة امتصاص الحديد.

1. الفيتامينات المتعددة :
   لو حاسس إن أكلك مش بيديك الفيتامينات الكاملة اللي محتاجها ، ممكن تراجع الطبيب الخاص بيك إذا كانت الفيتامينات المتعددة مناسبه ليك أو لا.
2. استشير طبيبك أو اختصاصي الأمراض الوراثية :
   لو في تاريخ لمرض الأنيميا في عيلتك ممكن يكون المرض وراثي زي فقر الدم المنجلي أو الثلاسيميا فلازم تراجع طبيبك عشان تقدر تقيم المخاطر الوراثية للمرض و اللي ممكن تنقلها لأولادك.
3. خلي بالك من الملاريا:
   الأنيميا ممكن تكون من مضاعفات الملاريا عشان كدا لو بتخطط للسفر في مكان الملاريا منتشرة فيه فلازم تخلي بالك و تبعد عن الذباب و البعوض .
4. الشاي و القهوة :
   لازم ماتشربش شاي أو قهوه  مع الوجبات لانهم بيأثروا علي امتصاص الجسم للحديد.
   
   

لو شاكك إن عندك أنيما أو عندك أي من الأعراض وحابب إنك تتطمن على صحتك تقدر تحجز عند دكتور تخسيس و تغذيه من الدكاترة المتخصصين من خلال موقعنا:

References:

• https://www.medicinenet.com/script/main/art.asp?articlekey=117312
• https://www.mayoclinic.org/diseases-conditions/anemia/symptoms-causes/syc-20351360
• https://www.healthline.com/health/iron-deficiency-anemia#causes