6 انواع اكل بترفع الكوليسترول و 9 انواع تانية بتقلله 

الكوليسترول نوعين: نوع مفيد اسمه العلمى (الدهون البروتينية عالية الكثافة)، ونوع ضار اسمه العلمي (الدهون البروتينية قليلة الكثافة).

الكوليسترول المفيد بيحمى القلب والأوعية من ترسب الدهون وبالتالي بيحميهم من الجلطات والأزمات الصحية، لكن الكوليسترول الضار بيرسب الدهون على جدران الأوعية الدموية وبيزود احتمال انها تتسد وده بيأثر على صحة القلب. 

في أنواع أكل بترفع نسبة الكوليسترول الضار في الجسم عشان كدة لازم نبعد عنها, ومنها:

1. الدهون المتحولة: ودي بنلاقيها في الأغذية المحفوظة زي الفطاير والمعجنات والحلويات والمقرمشات والسمن والبسكوت والأكل المجمد والسندويتشات السريعة والفشار المعمول في المكروويف.
2. اللحوم: لأن اللحوم بتحتوي على دهون مشبعة غير صحية واللي بترفع مستوى الكوليسترول الضار. وانت بتاكل اللحوم أو الفراخ اتخلص من الجلود والدهون اللي فيها. وابعد عن اللحوم المصنعة والجافة زي السجق والسوسيس لأنهم بجانب احتوائهم على الدهون المشبعة فهم فيهم كميات كبيرة و ضارة من ملح الصوديوم.
3. الزيوت المهدرجة: لأنها بتزود نسبة الدهون المتحولة وبتزود نسبة الكوليسترول الضار وبتقلل نسبة الكوليسترول المفيد. الزيوت المهدرجة زي زيت الخضروات وزيت الصويا وزيت الذرة او السمنة النباتي.
4. السكريات والحلويات: الأبحاث أثبتت ان السكر بيزود مستوى الكوليسترول الضار وبيقلل مستوى الكوليسترول المفيد. الأطعمة اللي فيها نسبة سكريات عالية هي: الحلويات المعلبة والكيك والمعجنات والمشروبات الخفيفة والصودا والعصاير ومشروبات الطاقة.
5. منتجات الألبان: الدهون اللي في اللبن (ومنها الدهون الحمضية) بعضها له تأثير سيئ على الدهون البروتينية اللي بتدخل في تكوين الكوليسترول خاصة الدهون البروتينية قليلة الكثافة، وفي النهاية بتأدي لزيادة الكوليسترول في الدم. 
6. الحبوب المكررة ومنتجاتها: زي العيش الابيض والرقاق والمكرونة ليها تأثير سيئ على مستوى الكوليسترول المفيد في الدم. وأثبتت الدراسات ان الاستخدام الكبير للكربوهيدرات من النوع ده بيعرض الشخص لمخاطر كبيرة لزيادة نسبة الكوليسترول.
   
   

ولكن في بعض أنواع تانية من الأكل بتقلل من مخاطر زيادة نسبة الكوليسترول في الدم، من أهمها:

1. زيت الزيتون: لأنه من الدهون الصحية وبيساعد على تقليل نسبة الكوليسترول الضار.
2. البقوليات: زي العدس والفاصوليا واللوبيا لأنهم مصدر كبير للألياف الذائبة وحمض الفوليك المفيدين لصحة القلب.
3. الحبوب الكاملة: زي القمح والرز ليهم دور في تقليل الكوليسترول الضار ورفع الكوليسترول المفيد في الجسم. ينصح بتناول الحبوب على الأقل مرتين في اليوم.
4. الفواكه الغنية بالألياف: زي التفاح والخوخ والكمثرى برده ليهم دور في تقليل نسبة الكوليسترول الضار ورفع نسبة الكوليسترول المفيد.
5. الأسماك الغنية بالأوميجا-3 زي السلامون والتونة والسردين والمكاريل ليهم دور في تقليل الكوليسترول الضار في الجسم. بس خلي باكل من نسبة الزيبق اللي في سمك التونة. 
6. بذور الكتان والزيت الحار: كمان بتحتوي على أوميجا-3 عشان كدة بيستخدمها الأشخص النباتيين في الأكل كبديل عن الأسماك. بذور الكتان لازم تستخدم مطحونة لأن أكلها وهي حبوب كاملة بيستحيل على الجسم هضمها ومش بيستفيد منها. ممكن تضيف بذور الكتان المطحونة لوجبتك كل يوم سواء في السلطة أو الزبادي أو في المخبوزات.
7. المكسرات: زي السوداني واللوز والبندق وغيرهم مليانين بالدهون المفيدة للقلب.
8. بذور الشيا: تعتبر مصدر نباتي جيد للأوميجا-3 والألياف. ليها دور في تقليل الكوليسترول الضار وتقليل ضغط الدم.
9. الأفوكادو: غني بحمض الفوليك والدهون الأحادية غير المشبعة، وعشان كدة مفيد لصحة الأقلب ولمنع الأزمات والجلطات، وكمان غني بالألياف اللي بتحافظ على توازن الكوليسترول.

ولو عايز تتأكد من سلامة قلبك وصحته ممكن تحجز عن دكتور قلب من الدكاترة المتخصصين على موقعنا:

References:

https://draxe.com/high-cholesterol-foods/

https://www.webmd.com/cholesterol-management/heart-health-foods-to-buy-foods-to-avoid#3

https://www.everydayhealth.com/hs/healthy-living-with-high-cholesterol/best-and-worst-foods-for-high-cholesterol/

https://www.healthline.com/health/high-cholesterol/foods-to-increase-hdl#soy