5 اعراض للبواسیر وابسط 8 طرق تحمیك منها مدى الحیاة

لازم نعرف الأول إيه هو مرض البواسير ؟

البواسير هي عروق منتفخة في فتحه الشرج و المستقيم السفلي و برغم إن مرض البواسير مالوش سبب معين معروف ولكن البواسير ليها أسباب كتير منها الإجهاد اللي بيحصل من خلال حركه الأمعاء أو من خلال الضغط الزايد علي الأوردة خلال فتره الحمل و البواسير ممكن تحصل داخل المستقيم (بواسير داخليه) أو تحت الجلد حول فتحه الشرج (بواسير خارجيه) و ممكن تتطور الحالة وبتوصل لحاله الالتهاب الشديد (جلطه) واللي بيسمي الباسور و اللي بتؤدي لألم شديد و تورم و التهابات و كتله صلبه بجوار فتحه الشرج.
و البواسير مرض شائع جدا  و في بعض الأحيان مبيكونش ليه أعراض ولكن في أحيان بيسبب الحكة و النزيف و عدم الراحة.
لكن لحسن الحظ في خيارات كتير لعلاج البواسير منها العلاجات المنزلية.
لو شاكك إن عندك بواسير وحابب إنك تتطمن على صحتك تقدر تحجز عند دكتور مسالك بوليه من خلال موقعنا.

طب إيه هي أعراض البواسير؟

أعراض و علامات البواسير ممكن تشمل التالي :
1- نزيف غير مؤلم أثناء حركه الأمعاء (مع ملاحظه وجود كميات صغيره من الدم الأحمر الزاهي أثناء قضاء الحاجه).
2- الحكة و التهيج في منطقه الشرج.
3- ألم شديد وانزعاج في منطقه الشرج.

4- تورم حول الشرج.
5- كتله بالقرب من فتحه الشرج واللي بتصبح حساسة ومؤلمه (الباسور)

إزاي تحمي نفسك من البواسير :

•  ممارسه الرياضة :
  التمارين الرياضية هي العلاج السحري لمعظم الامراض زي أمراض القلب و السكر و مرض الزهايمر  لكن الحفاظ علي العضلات و الجري بشكل مستمر بيجنب الإجهاد و الإمساك واللي ممكن يخلي منطقه الشرج في ضغط شديد و بالتالي لازم نمارس الرياضة بشكل مستمر و خصوصا الجري لتحفيز الأمعاء و الحفاظ علي انتظامها.
  
  
• الاهتمام بالنظافة :
  بالرغم من إن السبب ممكن يكون مش واضح لكن الدراسات بتؤكد إن الاهتمام بالنظافة الشخصية بيؤثر جدا علي وجود البواسير. والدراسات بتؤكد إن النظافة الجيدة بعد استخدام الحمام وأثناء الاستحمام بتقلل بشكل واضح من مرض البواسير. الاستحمام قبل النوم مره واحده على الأقل في الأسبوع والاهتمام بشكل خاص بنظافة الأعضاء التناسلية.

•  أكل الأطعمة الغنية بالألياف :
  الألياف جزء مهم من النظام الغذائي الصحي و بما إن الألياف بتساعد علي بقاء الجسم و الأمعاء خصوصا في شكل منتظم.  فبتمنع البواسير من خلال انها بتمنع الإمساك.
  لازم تاكل علي الأقل 25 إلي 30 جرام من الألياف كل يوم و اللي بنلاقيها في الفول و البروكلي و الجزر و الحبوب الكاملة و الفواكه الطازجة وغيرهم.
  
  
• إشرب كتير :
  المياه بتشكل حوالي 75% من جسم الإنسان و عشان كده بتساعد في ترطيب الجسم بشكل عام و خصوصا منطقه الإخراج اللي بترطبها وبتخلي البراز لين و ضعيف و بتقلل من مخاطر الإمساك.
  
  
• خد المواضيع ببساطه:
  العصبية و النرفزه و الإجهاد الزايد و الضغط العصبي بيزود من خطر الإصابة بالبواسير عشان كدا لازم تكون حياتك مستقرة و خاليه من الإجهاد و المشاكل النفسية و  العصبية.
  و بالرغم من إن التمارين الرياضية بتعمل مجهود بدني إلا ان التمارين الرياضية مع التنفس المستمر و المنتظم و توزيع الضغط علي الجسم بيكون مفيد و غير مؤذي.
• متستناش دخول الحمام :
  لازم تاخد بالك إن الإمساك عامل مهم من العوامل المؤدية للبواسير  عشان كدا اكل الأطعمة الغنية بالألياف و شرب كميه كبيره من المياه بيقلل الإمساك و بيحافظ علي حركه الأمعاء. و من الضروري دخول الحمام في الوقت المناسب و عند الحاجه لان احتجاز البراز لفتره طويله بيجعلها في حاله صلبه و جافه داخل الأمعاء لان الأمعاء بتستخلص المياه من البراز و بالتالي بقائها لفتره بيجعلها صلبه و من الصعب إخراجها.
• اتجنب الجلوس لفتره طويله :
  الجلوس لفتره طويله خصوصا في الحمام بيكون مؤذي جدا و بيؤدي للضغط علي الأوردة في فتحه الشرج و بيزيد من خطر الإصابة بالبواسير.
• خد بالك و انت بتستعمل الملينات :
  لما بيحصل الإمساك الملينات بتساعد جدا في التخلص من الإمساك و بتقلل الم البواسير بشكل كبير و لكن علي قد ما الملينات بتساعد, خلي بالك إن الملينات لازم تختارها بحرص لان في ملينات بتعمل انكماش معوي وبتحرك محتويات الأمعاء ودي بتزود من خطر البواسير  وعشان كدا لازم تختار الملينات اللي بتزود كميه المياه في الأمعاء و بتقلل خطر البواسير.

لو شاكك إن عندك بواسير وحابب إنك تتطمن على صحتك تقدر تحجز عند دكتور مسالك بوليه من خلال موقعنا.

---

المراجع:

• https://www.everydayhealth.com/news/six-easy-ways-prevent-hemorrhoids/
  
  
• https://www.mayoclinic.org/diseases-conditions/hemorrhoids/symptoms-causes/syc-20360268
  
  
• https://www.prevention.com/health/a20482698/prevent-hemorrhoids/