5 اعراض لبعد النظر واسبابه وطرق العلاج.

لما تكون بتشوف الحاجات البعيدة كويس جدا ولكن مع قرب الحاجه منك بيبتدي مستوي الرؤية يقل وبتحس بعدو وضوح فدا معناه انك عندك بعد نظر.
بمعني إن عينك بتركز بشكل افضل علي الحاجات البعيدة اكتر من الحاجات القريبة
أحيانا الأطفال اللي عندهم بعد نظر خفيف او متوسط بيقدروا يشوفوا القريب والبعيد بدون تصحيح لأنه العضلات و العدسات في عيونهم بتعدل نفسها و تغير من وضعيتها عشان تتغلب علي طول النظر.

لكن مع كبر السن بيبتدي تأقلم العين يقل وبالتالي بيسبب صعوبة في رؤية الحاجات البعيدة.

طب إيه هي أسباب بعد النظر؟

عينيك بتركز أشعه الضوء وبتبعت صوره من الحاجة اللي بتبص عليها للمخ. لكن لما بيكون عندك بعد نظر أشعه الضوء مابتتركزش بالصورة المناسبة وبتقوم القرنية (الطبقة الخارجية للعين) والعدسة بتركيز الصورة مباشرهً على سطح شبكيه العين واللي بتكون موجود في الجزء الخلفي من العين. عشان كدا لو عينيك قصيره او قدرتك على التركيز ضعيفة فالصورة اللي بتتكون هتروح مكان غلط (خلف شبكيه العين) عشان كدا الصورة مبتكونش واضحة.

اعراض بعد النظر:

1. مشكله في التركيز على الحاجات القريبة.
2. الصداع
3. الرؤية بتكون ضبابيه وغير واضحة.
4. بتحس بإجهاد في العين.
5. التعب والصداع بعد عمل مهام قريبه زي القراءة.

إزاي اعرف إني عندي بعد نظر؟

كل اللي هتحتاجه هو مجرد اختبار نظر عادي عند الطبيب و الاختبار هيقرر اذا كان عندك بعد نظر او لا.

علاج بعد النظر

العلاج هيكون من خلال النظارات او العدسات اللاصقة او من خلال جراحه الانكسار (اللازيك) اللي هدفها تصحيح الرؤية.

لو مشكلتك شديده ممكن تحتاج تلبس النظارة طول الوقت وأحيانا ممكن تحتاجها فقط لو بتعمل حاجه قريبه زي القراءة والخياطة 

لو شايف إن النظارة مش مناسبه ليك او مش افضل علاج فهنا بتلجأ لجراحه العيون.
جراحه العيون هي اكتر إجراء بيتم استخدامه حاليا. وبيتم علاج طول النظر من خلال عمليه الليزك.

وفي بعض الطرق اللي تقدر تحافظ بيها على عينك بشكل عام زي:

1. حماية العين بشكل مستمر من أشعه الشمس.
2. حماية العين من الإصابات من خلال لبس قناع او عدسات واقيه أثناء الرياضات او العمل الخطر.
3. اكل طعام صحي ومفيد للجسم بشكل عام والعيون بشكل خاص زي الخضراوات والفواكه والأطعمة اللي بتحتوي على الأوميجا 3 زي التونة والسلمون.
4. الابتعاد عن التدخين.
5. لبس نظارات مناسبه للعين ودا بيكون من خلال عمل اختبارات للنظر كل فتره.
6. التواجد في أماكن ذات إضاءة جيده.
7. تقليل الجهد على العين من خلال إبعاد العين عن العمل اللي بيتطلب رؤية قريبه لمده دقيقه كل 20 دقيقه. 

لو عندك بعد نظر او أي من الأعراض او حابب إنك تتطمن على نظرك من خلال كشف نظر تقدر تحجز عند دكتور عيون من الدكاترة المتخصصين من خلال موقعنا:

كمان هتقدر تعرف5 علامات على قصر النظر و7 طرق تحمي بيها عينيك

References:

• https://www.mayoclinic.org/diseases-conditions/farsightedness/symptoms-causes/syc-20372495
• https://www.webmd.com/eye-health/farsightedness