4 اعراض للزايده و مضاعفاتها و طرق العلاج.

التهاب الزايدة عبارة عن اشهر الامراض الجراحية شيوعا،وظيفتها مش معروفة و لكن ممكن تكون مسئولة عن رفع كفاءة الجهاز المناعي و المساعدة في الهضم  و رغم كده ازالتها لا تؤدي الي اي ضرر.اي شخص معرض للزايدة و لكن الاشخاص الاكثر عرضة من 10 ال 30 سنة.

اسباب الزايدة:

سبب التهاب الزايدة هو سدد بيحصل في بطانة الزايدة فيحصل انتشار للبكتريا فيؤدي الي التهاب الزايدة اذا لم تعالج قد تنفجر.

اعراض الزايدة:

وجع يبدا حول السرة (منتصف البطن) في الغالب،بيروح ويجًي،وينتقل بعد كده الي اسفل الجانب الايمن من البطن مشهورة عند العامة ب منطقة الزايدة و يكون الالم مستمر و شديد يمنع المريض من المشي، بيزيد الالم بالضغط علي  منطقة الزايدة او الكحة او حتي المشي.

الاعراض التانية اللي ممكن تكون مع  الوجع زي:

1. فقدان الشهية.
2. غثيان و ترجيع.
3. امساك او اسهال.
4. سخونية مع احمرار الوش (الوجه).

مضاعفات الزايدة:

لو مريض الزايدة مشلش الزايدة ده ممكن يؤدي الي انفجارها ، فيحصل التهابات تهدد حياة المريض مثل :

1.التهاب الغشاء البريتوني:

الغشاء البريتوني ده الغلاف المبطن للامعاء و الكبد و المعدة.

اعراضه:

1. وجج شديد في البطن و مستمر.
2. سخونية مرتفعة و ضربات قلب عالية.
3. ضيق التنفس.
4. تورم البطن.

2.خراج:

تجمع صديدي مؤلم في منطقة الزايدة نتيجة لمحاربة الجسم للعدوي.

اعراضه:

• وجع في مكان الزايدة.
• حمي او سخونية عالية.
• عرق شديد.
• ارهاق و رعشة.
• فقدان للشهية و انخفاض الوزن

ازاي اتعامل مع مريض الزايدة لغاية ما يروح للطبيب المتخصص
ممنوع اخذ مسكنات عشان هتودي الوجع فالجراح او طبيب الباطنة ممكن يستبعد الزايدة وده ممكن يودي انفجار الزايدة.
ممكن تعمل صورة دم كاملة لازم تكون اثناء الوجع يعني مش قديمة.

علاج الزايده :

لو كان الالتهاب بسيط، بيكون العلاج بالمضادات الحيوية، عن طريق حقن بالوريد.

- إذا كانت الالتهابات شديدة، لازم تدخل جراحي لاستئصالها.

علاج التهاب الزايدة الحادّ (Acute appendicitis) هو الجراحة على حسب التشخيص، ﻷن في حالات بيختفى فيها الالتهاب بشكل تلقائي.

والجراحة بتكون عباره عن جرح في جنب البطن الأيمن السفلي (على اسم Rockey Davis)، وبيكون بتخدير تام أو موضعي، في المنطقة اللي هيتم فيها استئصال الزائدة.

وحاليا، في إمكانية لعمل الجراحة بمنظار البطن (Laparoscopy - بمساعدة الألياف بصرية).

ومع الجراحة بيكون في علاج مركب بيتكون من انواع معينة من المضادات الحيوية، بتتحقن في الوريد وبتتحدد علي حسب خطورة الالتهاب (دمج بين الكلينداميسين - Clindamycin, الجنتاميسين - Gentamicin, أمبيسيلين - Ampicillin).

لو شاكك ان عندك الزايدة ممكن تحجز عند دكتور جراحة عامة او دكتور باطنه من على موقعنا.

المراجع

https://www.nhs.uk/conditions/appendicitis/symptoms/
https://www.nhs.uk/conditions/appendicitis/complications/
https://www.nhs.uk/conditions/abscess/symptoms/