18 دليل على الإصابة بفيروس سي ومسبباته وطرق سهلة للوقاية منه 

الالتهاب الكبدي الفيروسي هو مرض معدي بيأثر على الكبد، و بيحصل نتيجة للإصابة بفيروس الالتهاب الكبدي HCV. في المراحل الأولى للمرض معظم المرضى مش بيحسوا بأي أعراض عشان كده بيبقى صعب تشخيصه.

18 دليل على الإصابة لفيروس سي:

حوالي 75% من المرضي مش بيجيلهم أعراض أولية للمرض، بينما ال 25% بيجيلهم:

• هبوط و إرهاق.
• فقدان للشهية.
• ارتفاع درجة حرارة الجسم.
• وجع عضلات.

• في أعراض للمرض بتيجي لبعض الناس زي تغير لون البول، اصفرار العين، أو تغير لون البراز للون الطين
• بمرور الوقت، المرضى المصابين بالالتهاب الكبدي الفيروسي سي بيحسوا بأعراض التهاب الكبد اللي بيدل على وجود عدوى. وبعد حدوث تليف كبدي بتبدأ الأعراض تزيد إلى:

• ارتفاع انزيمات الكبد في الدم.
• ضعف عام.
• فقدان شهية.
• خسارة وزن.
• تضخم الثدي عند الرجال.
• احمرار كف اليدين.
• صعوبة تجلط الدم.
• الأوعية الدموية السطحية على الجلد بتاخد شكل خيوط العنكبوت.
• ألم في منطقة البطن.
• تغير لون البراز للون الطين.
• نزيف في المرئ.
• تجمع للسوائل في البطن.
• اصفرار الجلد والعين.
• تشوش.
• غيبوبة.

لو ظهرت عندك اعراض من الاولية او المتقدمة لازم تشوف دكتور كبد بسرعة علشان تحافظ عليه من التليف

مسببات الإصابة بفيروس سي:

فيروس سي بيتنقل بشكل عام من خلال الدم و في حالات نادرة عن طريق سوائل الجسم زي: اللعاب. 

ومن طرق انتقاله:

• استخدام إبر حقن ملوثة بالفيروس أو تم استخدامها قبل كده لمريض حامل للفيروس.
• العاملين في القطاع الطبي هم أكتر ناس معرضين للإصابة عن طريق حوادث شك الإبر.
• نقل دم ملوث بالفيروس.
• العلاقة الجنسية بين فردين أحدهم حامل للفيروس.
• الأم الحامل المصابة بالفيروس ممكن تنقله للطفل عن طريق المشيمة والحبل السري، ولكن مش بيتنقل عن طريق لبن الأم أثناء الرضاعة.
• أي أداة منزلية بتم مشاركتها واللي ممكن تسبب جرح ونزول دم زي أدوات الحلاقة وفرش الأسنان، عشان كدة الدكاترة بتنصح عدم مشاركة الأدوات دي مع حد لتجنب انتقال العدوى.
• المرضي اللي بيعملوا غسيل كلوي لفترة طويلة بيكونو معرضين للإصابة.

طرق سهلة للوقاية من فيروس سي:

لحد دلوقتى مفيش تطعيم وقائي ضد فيروس الالتهاب الكبدي سي، عشان كدة الأساس في الوقاية هو تجنب الأسباب و العوامل المؤدية للإصابة. بعض النصايح فى الحياة اليومية ممكن تحمينا من الاصابة بفيروس سى:

• الحذر الشديد أثناء التعامل مع الإبر و الأدوات الجراحية اللي استخدمها المريض المصاب بالفيروس والتخلص منها بشكل سليم.
• متخليش حد يستخدم أدوات النظافة الشخصية بتاعتك زي فرش الأسنان والمقصات والأدوات الحلاقة ويفضل ان يكون عندك أدوات حلاقة خاصة بيك، لأن أي كمية صغيرة من الدم ممكن تنقل العدوي.
• خلي بالك أثناء عملية نقل الدم واتاكد ان الدم اتفحص كويس قبل نقله.
• خلي بالك لو هترسم وشم أو تاتو ان الأدوات المستخدمة تكون معقمة

ولو شاكك ان عند فيروس سي احجز عند دكتور كبد من على موقعنا عشان تتطمن على نفسك:

References:

• https://www.medicinenet.com/hepatitis_c/article.htm#what_is_the_hepatitis_c_virus
• https://www.webmd.com/hepatitis/digestive-diseases-hepatitis-c#1
• https://www.webmd.com/hepatitis/understanding-hepatitis-c-prevention#1