15 سبب لضعف التركيز و9 طرق لتحسين تركيزك

انت بتعتمد علي التركيز كل يوم عشان الشغل او الدراسة او الأعمال اليومية و لما مبتقدرش تركز مبتقدرش تفكر بشكل واضح و سليم او تركز علي مهمه او انك تحافظ علي انتباهك.
أدائك في مهامك اليومية في الشغل او الدراسة أكيد هيتأثر بعدم التركيز  و بالتالي هيأثر علي طريقه التفكير و اتخاذ القرار.
حالات طبيه كتير ممكن تسبب ضعف التركيز و مش لازم تكون حالات طارئه لكن ممكن تستدعي عنايه طبيه فقط.

أعراض عدم القدرة علي التركيز بتختلف من شخص للتاني و بتشمل:

1. إنك ماتفتكرش الحاجات اللي حصلت من فتره قصيره.
2. هتواجه صعوبة في الجلوس.
3. هتلاقي صعوبة في التفكير بوضوح.
4. بتضيع منك حاجات كتير وبتنسي أماكن الحاجات بسرعه.
5. صعوبة في اتخاذ القرار.
6. صعوبة في أداء المهام المعقدة والصعبة.
7. ضعف في الطاقة الجسدية والعقلية.

ايه هي أسباب ضعف التركيز؟

التغييرات في نمط الحياة اللي ممكن تأثر على تركيزك:

1. قله النوم.
2. الجوع.
3. القلق.
4. الإجهاد الزائد.
5. تعاطي الكحول او غيره من المخدرات.

الامراض اللي بتسبب ضعف التركيز:

1. مرض اضطراب نقص الانتباه.
2. متلازمه التعب المزمن.
3. بتعاني من ارتجاج في المخ.
4. متلازمه كوشينغ.
5.  المرض عقلي.
6. بتعاني من الصرع.
7. بتعاني من الأرق.
8. عندك اضطراب اكتئابي.
9. بتعاني من الاضطرابات العقلية زي الفصام.
10. متلازمه الساق العصبية.

عدم القدرة على التركيز ممكن يكون أحد الآثار الجانبية لبعض الأدوية. اتصل بطبيبك أو الصيدلي عشان تعرف إذا كانت أدويتك بتأثر على تركيزك. ومتوقفش الأدوية اللي بتاخدها إلا بإستشارة الطبيب.

9 طرق لتحسين تركيزك

1. حط لنفسك أوقات استراحة خلال اليوم لان الإفراط في استخدام العقل بيسبب التعب  و الملل و ضعف التركيز.
2. خد راحه 10 دقايق كل ساعة و استخدمها في التمشيه او التمدد او شرب مشروب .
3. لو انت عايش في المدينة هتلاقي إن المخ دايما في حاله إجهاد لأنه بيهتم بالأشخاص والعربيات والمباني وكل شيء حواليك بتفاصيله الكثيرة. عشان كدا لازم من وقت للتاني ترجع للطبيعة او تقضي وقت في مناطقه فيها مساحات خضراء وأشجار ونباتات لأنها مبيكونش فيها مثيرات او حاجات تستولي على تركيزك وبالتالي بتحسن من قدرتك على التركيز والوعي والإدراك.
4. التأمل الذهني بيساعد على تقليل مستويات القلق والتوتر والاكتئاب عندك وبيحسن الانتباه لأنه بيساعد على تركيز الانتباه وبيعزل المؤثرات الخارجية.
5. إتخلص من أي شيء ممكن يشتت انتباهك خصوصا لو بتعمل شيء محتاج لتركيز وانتباه زي الضوضاء مثلا من خلال تشغيل موسيقي هاديه وأحيانا وضع سدادات للأذن.
6. حاول تخلي صلتك بالتكنولوجيا ووسائل الاتصال محدودة وفي أوقات معينه زي إنك تخصص وقت معين في اليوم لعمل المكالمات والرد على الرسايل.
7. الحفاظ على صحة الجسم مهم جدا وبيعتبر هو حجر الأساس في تحسين القدرة على التركيز ودا بيكون من خلال اكل أطعمه صحية ومفيدة للجسم والعقل والنوم فترات كافيه (من 7 إلى 9 ساعات في الليلة) وتخصيص وقت للاسترخاء والأنشطة.
8. إنك تعمل اكتر من مهمه او عمل في نفس الوقت مش حاجه وحشه لكن دا بيزود من مستويات التوتر وبيخليك مشتت الى حد ما، عشان كدا حاول تعمل مهمه في كل مره لو حاسس إن تركيزك بيقل في عمل مهام كتير.
9. في ألعاب كتير ممكن تساعدك علي تحسين التركيز وتقليل التوتر والقلق.

لو عندك مشكله ضعف التركيز او حابب إنك تتطمن على صحتك تقدر تحجز عند دكتور مخ واعصاب من خلال موقعنا:

المراجع:

• https://www.healthline.com/symptom/unable-to-concentrate
• https://blog.cognifit.com/concentration-problems-symptoms-causes-and-tips/
• https://www.health24.com/Mental-Health/Brain/News/10-reasons-why-you-cant-focus-20130210