12 علامة على التهاب الأذن الوسطى في الأطفال والكبار وطرق الحماية والعلاج

اسباب التهاب الأذن الوسطي:

مرض التهاب الأذن الوسطي هو مرض بتسببه جرثومه او بكتيريا وهو مرض منتشر جدا بين الأطفال. والأذن الوسطي هي قناة جوفاء مليانة بالهوا وبتكون ما بين طبله الأذن والأذن الداخلية.

والالتهاب دا بيسبب التهاب الحلق او نزلات البرد او مشاكل في التنفس

طب إيه هي أعراض إلتهاب الأذن الوسطي ؟

في الغالب الأعراض بتظهر بسرعه و بتختلف من الأطفال للكبار :

الأعراض ال12 في الأطفال و الكبار بتكون:

1. ألم الأذن وخصوصا وقت التمدد او النوم.
2. هتحس بضغط على الأذن.
3. صعوبة في النوم.
4. هتحس إن تصرفاته حاده اكتر من المعتاد.
5. صعوبة في السمع والاستجابة للأصوات.
6. فقدان التوازن.
7. حمي من درجه 38 درجه مئوية او اكتر.
8. تصريف السوائل من الأذن.
9. صداع في الراس.
10. فقدان الشهية.
11. الم في الأذن.
12. وجود افرازات في الأذن.

إيه أنواع العلاج لالتهاب الأذن ؟

• مسكنات الألم
  زي الأدوية اللي بتحتوي علي الباراسيتامول او الايبوبروفين و دي بتكون مفيدة جدا خصوصا للأطفال لان الألم ممكن يكون شديد جدا.
• قطرات الأنف
  اللي بتحتوي على مواد مزيلة للاحتقان واللي بتقلل من تورم الأغشية المخاطية اللي بتبطن الأنف و الجزء الخلفي من الحلق.
• المضادات الحيوية
  أحيانا ممكن يوصفلك الطبيب المضادات الحيوية لو شاكك إن الالتهاب سببه البكتيريا
• أنبوب التصريف
  و دا بيستخدمه الطبيب في حاله الالتهاب المتكرر و بيكون عباره عن أنبوب تصريف ( جروميت ) بيوضع في طبله الأذن لتصريف الأذن الوسطي و تهويتها.

إيه هي أفضل طريقه لعلاج التهاب الأذن الوسطي؟

في طرق كتير لعلاج التهاب الأذن الوسطي والدكتور هيعتمد في تحديد طريقه العلاج علي عمر المريض وصحته وتاريخه الطبي دا غير انه هيحط في اعتباره:

• شدة العدوي.
• قدره المريض على تحمل المضادات الحيوية.
• رأي الوالدين وتفضيلاتهم.

طرق الحمايه من الاذن الوسطي؟

• غسيل الأيدين باستمرار.
• لو بترضعي طفلك من خلال زجاجه (ببرونه) امسكي الزجاجه بنفسك ورضعيه وهو قاعد.
• يستحسن الرضاعة الطبيعية للطفل اكتر لأنه بيقلل من خطورة الإصابة بالتهاب الأذن الوسطي،وترضعي الطفل في الوضعية الصحيحة للرضاعة.
• لازم تبعد عن الجو الملوث والمليان بالأدخنة.
• لازم تحافظي على تطعيمات طفلك في مواعيدها.

لو عندك التهاب في الأذن الوسطي او حابب إنك تتطمن على صحتك تقدر تحجز عند دكتور انف واذن وحنجره من الدكاترة المتخصصين من خلال موقعنا:

المراجع:

•  https://www.netdoctor.co.uk/conditions/ear-nose-and-throat/a135/inflammation-of-the-middle-ear-otitis-media/
•  https://www.healthline.com/health/otitis#treatments
•  https://www.medicinenet.com/ear_infection/article.htm