10 علامات على إلتهاب المعدة و 5 طرق لعلاجه 

إلتهاب المعدة هو اكتر من حاله مع بعض لكن ليهم عامل مشترك واحد هو التهاب بطانة المعدة. و في الغالب البكتيريا اللي بتسبب التهاب المعدة هي نفس البكتيريا اللي بتسبب قرحه المعدة و كمان ممكن كتر المسكنات و شرب المواد الكحولية يسبب التهاب المعدة.
و ممكن التهاب المعدة بحصل بطريقه مفاجئة ( التهاب المعدة الحاد ) او يظهر ببطء مع مرور الوقت ( التهاب المعدة المزمن ).
و ممكن التهاب المعدة يسبب قرحه المعدة و ممكن يتطور لسرطان المعدة لكن في اغلب الحالات التهاب المعدة بيكون مش خطير و بيتحسن بسرعه مع العلاج.

أعراض التهاب المعدة

أعراض التهاب المعدة بتختلف من شخص لآخر  و في حالات كتير مبتظهرش الأعراض لكن الأعراض الأكثر انتشارا هي:

• الغثيان او اضطراب المعدة بشكل متكرر.
• انتفاخ البطن.
• وجع في البطن.
• قيء.
• عسر الهضم.
• الشعور بحرقان في المعدة بين الوجبات او بالليل.
• الحازوقة (الزغطة).
• فقدان الشهية.
• تقيء ماده في لون الدم او القهوة.
• براز اسود.

إزاي بيتم تشخيص التهاب المعدة؟

عشان الطبيب يقدر يشخص التهاب المعدة لازم الأول يراجع تاريخك الطبي والعائلي ولازم يعمل تقييم شامل لحاله الجسم دا غير بعض الاختبارات زي:

• التنظير العلوي :
  و دا بيكون من خلال منظار داخلي (أنبوب رفيع بيحتوي علي كاميرا صغيره ) و بيتم تمريره من خلال الفم اللي اسفل المعدة عشان نقدر نشوف بطانه المعدة و هيقدر الطبيب يتأكد اذا كان في التهاب في المعدة ولو في هياخد عينه منها عشان يتم تحليلها في المعمل.
• تحاليل الدم :
  الطبيب ممكن يطلب تحاليل دم مختلفة زي فحص عدد خلايا الدم الحمراء لتحديد وجود فقر الدم. وممكن يعمل فحوصات تانية لتحديد أمراض زي الملوية البوابيه وفقر الدم الخبيث.
• اختبار الدم الخفي :
  و دا بيكون عباره عن اختبار لوجود دم في البراز  و دا بيكون علامه محتمله من علامات التهاب المعدة.

علاج التهاب المعدة

في الغالب بيكون علاج التهاب المعدة من خلال الطرق دي :

• تناول مضادات للحموضة لتقليل حمض المعدة 
• تجنب الأطعمة الحارة والتوابل
• بالنسبة لالتهاب المعدة اللي بيكون سببه عدوي الملوية. الطبيب هيوصفلك بعض المضادات الحيوية ومعاهم عقار مانع للحموضة 
• لو التهاب المعدة كان نتيجة لفقر الدم الخبيث الطبيب هينصحك ب فيتامين ب 12
• لازم تبعد الأطعمة المهيجة عن نظامك الغذائي زي اللاكتوز اللي بيكون موجود في الألبان و الغلوتين الموجود في القمح. 

ووقت مابتختفي المشكلة بيختفي التهاب المعدة هو كمان.

لازم تراجع الدكتور قبل ما تاخد او توقف أي دوا من نفسك او تبتدي تعالج نفسك من التهاب المعدة.

لو عندك التهاب في المعدة او مشاكل في معدتك تقدر تحجز عند دكتور جهاز هضمي من على موقعنا:

References:

• https://www.webmd.com/digestive-disorders/digestive-diseases-gastritis#1
• https://www.mayoclinic.org/diseases-conditions/gastritis/symptoms-causes/syc-20355807