10  علامات تبينلك إن زياده وزنك فيها خطر علي صحتك

زياده الوزن مش بس هتخلي دولاب هدومك محدود و مش هتقدر تستخدم معظم هدومك و هتخليك تقلل من ثقتك بنفسك، لكن كمان ممكن تكون فيها خطر على صحتك.
عشان كدا لازم تخلي بالك من بعض الأمور لو عندك زياده في الوزن.

1. الدهون حوالين وسطك:
   لو عندك دهون زيادة حوالين الوسط او في منطقه البطن ف دي ممكن تؤدي إلى مشاكل في القلب و الأوعية الدموية.
   
   
2. بتاكل سكريات كتير:
   بعض الأبحاث بتقول إن تناول السكر بشكل مسرف ممكن يسبب مرض السكر.
   
   
3. دورتك الشهرية غير منتظمة :
   بالنسبة للستات اللي عندهم تكيس في المبايض فدا مش بيأثر علي الدورة الشهرية وبيخليها غير منتظمة بس. لكن كمان بيسبب زياده كبيره في الوزن و حب الشباب و نمو الشعر لان تكيس المبايض بيخلي نسبه إفراز الأنسولين غير منتظمة.
   
   
4. معندكش طاقة تعمل حاجة:
   من الأسباب الطبية المهمة في زياده الوزن ممكن تكون الغده الدرقية. لان في حالات قصور الغده الدرقية،الغده الدرقية مبتفرزش الهرمون بشكل كافي وبالتالي بتسبب زياده الوزن و ارتفاع نسب الكوليسترول.
   
5. الشعور بالاكتئاب:
   السمنة و زياده الوزن بتزود فرص الاكتئاب  و في نفس الوقت الاكتئاب في بعض الحالات ممكن يؤدي للإصابة بالسمنة و زياده الوزن. لان الاكتئاب بيأثر علي الأكل و النوم و العادات الصحية السليمة زي ممارسه الرياضة و بالتالي بيسبب زياده الوزن.
   
6. العلاج من الاكتئاب:
   من الغريب و من المفارقات إن أدويه الاكتئاب ممكن تسبب زياده الوزن كمان بالرغم من انها بتساعد علي تخفيف أعراض الاكتئاب لكن بتسبب تغيرات جسمانية و بتسبب زياده في الوزن.
   و يستحسن علاج الاكتئاب من خلال اكل طعام صحي و جيد و ممارسه الرياضة و النوم الكافي.
   
7. التوتر:
   آلام الجسم  و زياده الوزن أحيانا بتكون علامه من علامات الإجهاد.
   لان مع الإجهاد الجسم بيفرز هرمون الكورتيزول اللي بيبطئ عمليه الأيض و بيساعد في تخزين الدهون عشان الإنسان مايموتش من الجوع. و بيفضل علاج التوتر من خلال التأمل و سماع الموسيقي و البعد عن مصادر التوتر.
   
8. مابتنامش كفاية:
   الأبحاث أثبتت إن قله النوم بتسبب الكتير من المشاكل الصحية و منها زياده الوزن. الأبحاث أثبتت إن الناس اللي مابتحصلش على قدر كافي من النوم جسمهم بيفرز نسب اعلي من هرمون الغريلين اللي بيزود الشهية وبيفرز نسب اقل من هرمون الليبتين اللي بيقلل الشهية. دا غير إن مع النوم الكافي جسمك بيحصل علي الطاقة الكافية لممارسه النشاط اليومي اللي بيحافظ علي صحتك و جسمك.
   
9. صعوبات التنفس أثناء النوم:
   من مشاكل النوم كمان اللي مرتبطة بزياده الوزن هي انقطاع النفس الانسدادي و اللي بتحصل أثناء النوم لان مسلك الهواء بيكون مغلق و بيسبب توقف الهواء. و زياده الوزن واللي منها زياده الوزن في منطقه الرقبه واللي بتسبب ضيق مجري الهواء ممكن تسبب مشاكل في التنفس أثناء النوم.
   
   
10. التهاب المفاصل:
    أعراض الألم و التصلب و التورم في المفاصل ممكن يكون سببه زياده الوزن. عشان كدا بننصح بمحاوله فقدان الوزن من خلال الأكل الصحي و ممارسه الرياضة.

لو بتعاني من زيادة في الوزن وعايز تعالجها او حابب إنك تتطمن على صحتك تقدر تحجز عند دكتور تخسيس وتغذية من على موقعنا:

المراجع:

• https://www.rd.com/health/wellness/weight-gain-health-trouble/
• https://www.niddk.nih.gov/health-information/weight-management/health-risks-overweight
• https://www.medicalnewstoday.com/articles/322345.php