٦ أعراض للحمي عند الأطفال وإزاي تحمي طفلك منها

الحمي (ارتفاع درجه الحرارة) هو مرض منتشر عند الأطفال. والحمى بتكون عباره عن استجابة طبيعية للجسم ضد كتير من الأمراض وخصوصا العدوي. والحمى نفسها مبتكونش ضاره بل بالعكس هي بتساعد نظام الجسم المناعي في محاربه العدوي.

وبالرغم من إن الوالدين بيكونوا قلقانين جدا بسبب الحمي. لكن الطبيب بيكون قلقان اكتر من المرض اللي بيسبب الحمي مش من الحمي نفسها.

هتعرف إن طفلك مصاب بالحمي لو درجه حرارته كانت اعلي من 38.5 درجه مئوية على مقياس الحرارة. ولو طفلك اقل من 3 سنوات فدرجه الحرارة اللي بتسبب الحمي في السن دا هي 38 درجه مئوية.

وهتلاقي إن الطفل عنده بعض الأعراض دي:

• حاسس بتعب وجسمه سخن.
• منفعل جدا او بيبكي.
• الإحساس بالكسل والنعاس اكتر من المعتاد.
• شعور بالقيء ورفض الشرب.
• رجفان في الجسم.
• ألم شديد.
• صداع
• ضعف الشهية.

لو طفلك اقل من 3 سنوات ودرجه حرارته اعلي من 38 درجه مئوية لازم تزور دكتور اطفال فورا حتى لو مظهرتش عليه أي أعراض.

طب إيه هي أسباب الحمي عند الأطفال؟

أسباب الحمي كتير وبتشمل:

• الالتهابات البكتيرية زي الحمي القرمزية او نادرا الحمي الروماتيزمية.
• الالتهابات الفيروسية زي الإنفلونزا.
• الأدوية.
• التعب بسبب التعرض للحرارة.
• الحساسية.
• وبشكل نادر او غير منتشر الأمراض الالتهابية زي التهاب المفاصل الروماتويدي.

طب إزاي أقيس درجه الحرارة؟

في طرق كتير عشان أقدر أقيس درجه حرارة الطفل وكل طريقه بتقيس الحرارة بشكل مختلف وممكن تختلف النتائج علي حسب نوع مقياس الحرارة اللي هنستخدمه.

ومن الطرق دي:

• ميزان الحرارة اللي بيستخدم الأشعة تحت الحمراء ودا بيتحط علي الجبين.
• تحت الذراع او تحت اللسان من خلال ميزان حرارة  (الترمومتر) رقمي او زئبقي او كحولي.
• ميزان حرارة الأذن.
• شريط الترمومتر البلاستيك اللي بيتم وضعه على الجبهة. (ودا لا يوصي بيه لأنه غير موثوق).

الرعاية في البيت:

في الغالب بيكون فيروس او بكتيريا هي السبب في الحمي ودي بيكون علاجها من خلال المضادات الحيوية بالنسبة للبكتيريا ولكن المضادات الحيوية ملهاش أي تأثير على الفيروسات.

الغرض من خفض الحمي هو مش علاج السبب لكن مجرد الشعور بالراحة بالنسبة للطفل بمعني إن لو الطفل مش متضايق او بيشعر بالتعب مع الحمي فمفيش داعي لعلاجها لكن لو الطفل بيشعر بتعب واستياء ففي بعض الخطوات اللي ممكن نعملها واللي بتساعد الطفل علي الشعور بالتحسن زي:

• المداومة علي شرب المشروبات للترطيب وتخفيف حده الحرارة
• الرضاعة الطبيعية للطفل بمعدل اكتر او الرضاعة من خلال اللبن الصناعي او الماء المغلي المبرد للأطفال اقل من 6 شهور.
• لو الحمي مخليه الطفل يحس ب تعب او بؤس وبتسبب الم في الحلق ممكن ندي الطفل ايبوبروفين او باراسيتامول. ولازم نأخذ بالنا إن مينفعش ندي طفل اقل من 3 شهور ايبوبروفين او لأي طفل عنده جفاف. وكمان الأسبرين ممنوع للأطفال.
• حاول تمسح وش الطفل من وقت للتاني بسفنجه او قطعه من القماش مبلولة بالماء الدافئ. وياريت نبعد الطفل عن الحمام البارد او الاستحمام عموما.
• الاهتمام بملابس الطفل وعشان ميحسش بحراره زائده او بردوه زائده.

لو شاكك إن طفلك عنده حمي او حابب تتابع صحة طفلك باستمرار ممكن تحجز وتتابع عند دكتور باطنه من الدكاترة المتخصصين من خلال موقعنا:

References:

• https://www.rch.org.au/kidsinfo/fact_sheets/Fever_in_children/
• https://www.emedicinehealth.com/fever_in_children/article_em.htm#what_are_the_home_remedies_for_fever_in_children
• https://www.nhs.uk/conditions/fever-in-children/#symptoms