عالج البرد والإنفلونزا بـ12 نصيحة متجربة وطبيعية تقدر تعملها في البیت

لو بتدور علي علاج طبيعي أو علاجات بديله للبرد و الإنفلونزا فاحنا هنا بنقدم ليك 12 نصيحه متجربة و طبيعية هتساعدك.

• لازم تعرف امتي ماتعالجش الأعراض:

ممكن تصدق اوﻷ لكن الأعراض المزعجة للبرد والإنفلونزا هي جزء من عمليه الشفا الطبيعية وهي دليل إن النظام المناعي في الجسم بيعمل في شغال بكفاءة وبيقاوم المرض. زي إن ارتفاع درجه الحرارة معناه إن الجسم بيكون بيئة مقاومه للفيروسات من خلال حرارة أكثر من المعدل الطبيعي واللي بتخلي مقاومه الجراثيم في الدم أسرع وبكفاءة أكثر.  و بالتالي ارتفاع درجه الحرارة لمده يوم أو يومين بيعجل بالشفاء.
و الكحة مثلا بتنظف مجري التنفس من المخاط الكثيف و اللي بيحمل جراثيم للرئة و باقي الجسم. حتى الأنف الممتلئة بالمخاط ممكن نعالجها طبيعيا أو نسيبها. الأدوية المزيلة للاحتقان بتقلل تدفق الدم من الأوعية الدموية للحلق و الأنف لكن إحنا بنبقي عايزين نزيد التدفق دا عشان الدم بيعمل علي تدفئه المكان المصاب و بيطرد الجراثيم من الجسم.

• لازم تطرد المخاط من الأنف من وقت للتاني:

لو عندك برد أو إنفلونزا فطرد المخاط من الأنف بشكل منتظم مهم جدا بدل ما نرجع المخاط مره تانية. ولكن الطرد بطريقه قوية بيولد ضغط بيحمل البلغم المليان بالبكتيريا مره تانية لمجري الأذن وبيسبب ألم في الأذن. افضل طريقه لطرد المخاط من الأنف هو بالضغط بالصباع علي ناحيه من الأنف مع النفخ ببساطه من الناحية الأخرى لتنظيفها.

• عالج انفك المكتومة بالماء الساخن المملح :

شطف الأنف بالماء المالح بيساعد علي علاج احتقان الأنف وبيزيل جزيئات البكتيريا و الفيروسات من الأنف و عشان نعمل محلول ملحي لشطف الأنف:
هنخلط 4/1 معلقه صغيره من الملح و ربع معلقه صغيره من البيكينج صودا (بيكربونات الصوديوم) مع كوب من الماء الدافئ.
استخدم سرنجة بدون إبره أو بخاخ للأنف مع ضخ شوية من  المحلول في فتحه الأنف مع الضغط بالإصبع علي الفتحة الأخرى مرتين أو ثلاث ثم التكرار مع الفتحة الأخرى.

• الراحة و الدفء:

الراحة و الدفء لما تصاب بالبرد أو الإنفلونزا بيساعد الجسم علي توجيه كل طاقته للمعركة المناعية مع البرد. المعركة المناعية دي بتستهلك طاقه الجسم عشان كدا بنحاول نزود قدر المساعدة من خلال الراحة و التدفئة.

• الغرغرة:

الغرغرة أيضا بتساعد في ترطيب الالتهاب و الاحتقان و تخفيف الألم.
الغرغرة بتكون بنص معلقه ملح دايبه في كوب مياه دافيه و بنكرر الغرغرة 4 مرات في اليوم.
وعشان تقلل الإحساس بالدغدغة في الحلق ممكن تكون الغرغرة بشاي يحتوي علي ماده التانين و اللي بيساعد علي تشديد الأغشية. أو الغرغرة بسوائل لزجه و ثقيلة زي العسل أو العسل المخلوط بخل التفاح  وده بيكون كالتالي :
معلقه كبيره من عصير الليمون في كوبين من الماء الساخن مع ملعقة صغيره من العسل و هنسيب الخليط يبرد لدرجه الحرارة الطبيعية و نتغرغر بيه.

• شرب السوائل الدافئه:

السوائل الدافئه بتقلل من احتقان الأنف و بتمنع الجفاف و بتهدي الأغشية الملتهبة اللي بتبطن الأنف و الحلق. لو حسيت بانسداد في الأنف اشرب مشروب دافئ. وبنقدملك وصفه قديمة هتساعدك عباره عن كوبايه من الشاي العشبي السخن و هنضيف ليه معلقه صغيره من العسل.

• تاخد حمام بخار:

البخار الناتج عن الماء الساخن بيساعد علي ترطيب الممرات الأنفية و بيساعد علي الاسترخاء. عشان نعمل كدا ممكن تقعد جنب الشاور علي كرسي و نشبع الجسم بالبخار مع الاستحمام بإسفنجة.

• دهان مرهم تحت الأنف:

دهان مرهم تحت الأنف بيساعد علي فتح ممرات التنفس و ترطيب الجلد المتهيج في الأنف. ممكن نستخدم مرهم بيحتوي علي المنتول أو الكافور و المكونات دي بتساعد علي تخفيف الم الأنف بس بنراعي وضعها تحت الأنف و مش جوة الأنف نفسه.

• كمادات سخنة أو بارده حول الجيوب الأنفية المحتقنة:

درجات الحرارة المرتفعة أو المنخفضة بتساعد علي تخفيف الاحتقان. و دا بيكون من خلال كمادات ساخنه أو بارده باستخدام فوطة صغيرة أو باستخدام حاجة مجمده من الفريزر.

• النوم علي وساده إضافية تحت الراس:

رفع الرأس أثناء النوم بيساعد علي تخفيف احتقان الجيوب الأنفية. ممكن تعدل طريقه النوم أو تحط المخدة بالطريقة اللي تناسبك بس تكون الرأس مرفوعة بشكل مريح

• عدم السفر بالطيران إلا في حاله الضرورة:

التغيير في ضغط الهواء بيسبب إجهاد للجهاز التنفسي واللي بالفعل بيكون مجهد بسبب البرد و الأنفلونزا . عشان كدا الطيران مع الإنفلونزا أو البرد بيعمل مشاكل مؤقته لطبله الأذن نتيجة لاختلاف ضغط الهواء أثناء الإقلاع والهبوط. لو السفر بالطيران ضروري فلازم تاخد معاك مزيل احتقان واستخدامه قبل الإقلاع والهبوط. و كمان مضغ اللبان بيساعد في تخفيف الضغط.

اكل الأطعمة المقاومة للعدوي:

الاكل ده مفيدة جدا لمحاربه البرد و الإنفلونزا:

• الموز والرز بيساعدوا علي تهدئه اضطرابات المعدة وتقليل الإسهال.
• الأطعمة اللي فيها فيتامين سي زي الفلفل والبرتقال واليوسفي.
• التوت الأزرق اللي بيهدئ اضطرابات المعدة وبيحتوي على الأسبرين الطبيعي وبيقلل الحرارة وبيخفف الألم.
• الجزر اللي بيحتوي على ماده البيتا-كاروتين.
• الفلفل الحار اللي بيساعد علي فتح قنوات الجيوب الأنفية وتفتيت المخاط في الرئتين.
• التوت البري اللي بيساعد على منع البكتيريا من الالتصاق بالأنسجة اللي بتبطن المثانة والمسالك البولية.
• المسطرده والفجل بيساعدوا على تفتيت المخاط في ممرات التنفس.
• البصل بيساعد على إزالة التهاب الشعب الهوائية والالتهابات التانيه.
• الشاي الأسود والأخضر اللي بيحتووا على مضادات الأكسدة واللي بيكون ليهم تأثير المضادات الحيوية الطبيعية ومضادات الإسهال.

لو عندك إنفلونزا أو برد وعايز تكشف و تتطمن على صحتك تقدر تحجز عند دكتور جهاز تنفسي من خلال موقعنا:

References:

• https://www.webmd.com/cold-and-flu/12-tips-prevent-colds-flu-1#1
• https://www.youtube.com/watch?v=043R6ZOICCM