اهمية الرضاعة الطبيعية لطفلك و6 نصايح توصله لاقصى استفادة

التغذية السليمة مهمة جدًا للأطفال وخصوصًا في أول سنتين، لإن تغذية الطفل بتقلل نسب الأمراض والوفاة في الأطفال وبتقلل خطر إصابة الأطفال بالأمراض المزمنة، وبشكل عام بتحسن صحتهم ومقاومتهم للأمراض و بيخليهم ينموا بشكل جيد.
سنويًا بيموت حوالي 2.7 مليون طفل بسبب نقص التغذية، بمعدل 45% من نسبة وفيات الأطفال.

الرضاعة الطبيعية مهمة جدًا للطفل في سنينه الأولى بتحمي حياة أكتر من 820000 من الأطفال أقل من 5 سنين سنويًا.

منظمة الصحة العالمية بتوصي ببعض التوصيات:

• البداية بالرضاعة الطبيعية بدري قدر المستطاع، يفضل أول ساعة بعد الولادة
• الرضاعة الطبيعية فقط من غير أي اضافات للطفل لحد 6 شهور
• البداية بإدخال أطعمة صحية في النظام الغذائي للطفل بعد 6 شهور مع إستمرار الرضاعة الطبيعية لحد سنتين.
• الرضاعة الطبيعية مهمة متوقفهاش حتى لو الأم عندها فيروس نقص المناعة المكتسبة( إيدز)، الطبيب هيوصفلها أدوية ( Antiretroviral drugs) تاخدها هي والطفل طول فترة الرضاعة.
  

اهمية الرضاعة الطبيعية

الرضاعة الطبيعية فقط من غير تدخل بأطعمة أو مشروبات من الخارج لأول 6 شهور ليها فوايد بالنسبة للأم والطفل. أول شئ هو حماية الطفل من النزلات المعوية اللي ممكن تسبب الجفاف. تقديم الرضاعة الطبيعية للطفل من أول ساعة بيحمي الطفل من العدوى، بتزيد إحتمالية وفاة الأطفال بسبب الإسهال او أي عدوى تانية لو كان مبيرضعش خالص أو بيرضع رضاعة جزئية.

كمان الرضاعة الطبيعية مصدر مهم جدًا للطاقة والعناصر الغذائية. بتمد الطفل بكل الطاقة والقيمة الغذائية اللي بيحتاجها لمدة 6 شهور، ولو الطفل أكبر من 6 شهور لحد سنة بتمده بنص إحتياجاته، وبتقل للتلت في تاني سنة.
والرضاعة الطبيعية كمان مهمة جدًا وقت المرض بتمد الطفل بالطاقة والعناصر الغذائية.

الأطفال والبالغين اللي رضعوا طبيعي في فترة طفولتهم معرضين بشكل أقل للسمنة وزيادة الوزن. كمان بيأدوا أفضل في إختبارات الذكاء.
بشكل عام بيحسن صحة الطفل النفسية والجسدية وده بيبقا لي عائد إقتصادي على الأسرة والمجتمع.

بالنسبة للأم الرضاعة بشكل طويل بتقلل إحتمالية حصول سرطان الثدي و سرطان المبيض، وبتعمل كوسيلة تنظيم للحمل بالذات في أول 6 شهور من الرضاعة لإنها بتكون بشكل مستمر أكتر.

نصائح لرضاعة طبيعية صحيحة.

- إتصال بشرة الأم ببشرة الجنين بعد الولادة مباشرة وبدأ عملية الرضاعة.
- الرضاعة دائمًا عند طلب الطفل ( ليلًا ونهارًا).
- يُفضل إن الأم وطفلها يناموا في نفس الأوضة.
- الإقتصار على الرضاعة الطبيعية وعدم إدخال أي طعام أو ماء أو سوائل للطفل، إلا لو كانت أدوية أو مكملات غذائية بإستشارة الطبيب.
- التأكد إن الطفل يمسك الثدي بشكل جيد

التغذية التكميلية

بعد ما يتم الطفل 6 شهور، بتزيد إحتياجات الطفل من العناصر والطاقة والرضاعة الطبيعية مبتكفيش لوحدها، فمن المهم في الوقت ده بداية إضافة أطعمة مغذية للنظام الغذائي للطفل عشان ينمو بشكل جيد.

إرشادات لتطبيق نظام تغذية تكميلي بشكل جيد.

• الأستمرار بالرضاعة الطبيعية بناءًا على طلب الطفل، لحد سن سنتين.
• إطعام الطفل بصبر وبطئ مع المحافظة على التواصل بالعين مع الطفل والتحدث مع الطفل وتشجيعه على الأكل مع عدم إجباره.
• غسل اليد جيدًا والمحافظة على النظافة الجيدة لطعام الطفل.
• ابدأ عند سن 6 شهور بمقدرا قليل من الطعام وزود الكمية بشكل تدريجي.
• ابدأ بالتدريج في إدخال عناصر مختلفة من الطعام للطفل.
• زود الفترات اللي الطفل بياكل فيها:
  - 2-3 وجبات في اليوم للأطفال من 6-8 شهور
  - 3-4 وجبات في اليوم للأطفال من 9-23 شهر
  مع زيادة وجبة أو اتنين من التسالي في اليوم عند الرغبة.
• استخدام مكملات غذائية أو فيتامينات عند الحاجة.
• عند المرض زيادة السوائل والرضاعة والفواكه.

لو بتواجهك مشكلة في الرضاعة أو طفلك بيواجه مشاكل ممكن تتابعي مع دكتور اطفال و حديثي ولاده من على موقعنا

المراجع

https://www.who.int/news-room/fact-sheets/detail/infant-and-young-child-feeding
https://www.mmclc.org/education/wellstart-lactation-management