اكتشف اهم 17 سبب لضعف الانتصاب و17 طريقة لعلاجه

ضعف الانتصاب (العجز الجنسي) هو عدم القدرة على الحصول أو المحافظة على انتصاب ثابت بما يكفي لممارسه الجنس. مش لازم تقلق لو حصلك مشكله في الانتصاب من وقت للتاني، لكن لو المشكلة مستمرة لفتره طويله ده ممكن يسبب الإجهاد وهيأثر على ثقتك بنفسك وهيعمل مشاكل في العلاقة الزوجية وممكن تكون مشكله صحية هي السبب في مشاكل الضعف الجنسي.

إيه أعراض ضعف الانتصاب؟

1. مشكلة في الحصول على الانتصاب
2. مشكله في الحفاظ على الانتصاب
3. انخفاض الرغبة الجنسية

طب إيه أسباب الضعف الانتصاب؟

الاستثارة الجنسية هي عمليه معقده جدا عند الذكور وبيشترك فيها الدماغ والهرمونات والعواطف والأعصاب والعضلات والأوعية الدموية. وبالتالي من الممكن إن ضعف الانتصاب يحدث بسبب أيا منهم.

أحيانا تؤدي بعض المشاكل الجسدية والنفسية إلى إبطاء الاستجابة الجنسية وعدم القدرة على الانتصاب أو المحافظة على الانتصاب مع مراعاة إن القلق الزائد قد يؤدي أو يزيد من سوء الانتصاب.

اسباب ضعف الانتصاب بسبب شيء مادي (الأسباب الفيزيائية لضعف الانتصاب):

1. مرض القلب
2. انسداد الأوعية الدموية (تصلب الشرايين)
3. ارتفاع نسبه الكوليسترول
4. ارتفاع ضغط الدم
5. مرض السكر(السكري)
6. البدانة (السمنة المفرطة)
7. متلازمه الأيض: وفي الحالة دي بيكون في ارتفاع في ضغط الدم وارتفاع مستوي الأنسولين وارتفاع نسبه الكوليسترول وزيادة الدهون حول الجسم.
8. مرض الشلل الرعاش
9. التصلب المتعدد
10. بعض الأدوية اللي بتستلزم وصفه طبيه
11. تعاطي التبغ
12. مرض البايرونيس: وبيكون عباره عن تطور نسيج ندبي داخل القضيب
13. إدمان الكحول والأشكال الأخرى من تعاطي المخدرات
14. اضطرابات النوم
15. علاجات سرطان البروستاتا وتضخم البروستاتا
16. العمليات الجراحية أو الإصابات التي تؤثر على منطقه الحوض أو الحبل الشوكي
17. مرض باركنسون

الأسباب النفسية لضعف الانتصاب

1. في حاجات جسدية بتحصل من خلال النشاط الدماغي و اللي بتسبب الانتصاب زي مشاعر الإثارة الجنسية لكن بعض الأنشطة اللي بتتداخل مع المشاعر الجنسية ممكن تسبب أو تزود من سوء الانتصاب زي الاكتئاب و القلق و الضغط العصبي أو ضعف التواصل أو أي نوع من المخاوف.

ازاي تقدر تعالج ضعف الانتصاب:

1. فقدان الوزن:
   السمنة من احد اخطر العوامل المسببة للضعف الجنسي و ضعف الانتصاب ، عشان كدا لابد من علاج السمنة و خفض السعرات الحرارية و زاده النشاط البدني
2. ممارسه الرياضة بانتظام:
   النشاط البدني و ممارسه الرياضة و التمارين الرياضية وخصوصا تمارين قاع الحوض (تمارين كيجل) بتحسن وظائف الانتصاب لأنها بتؤدي لضخ الدم في الجسم و تدفئه العضلات.
3. التقليل من التوتر:
   العوامل النفسية زي زياده التوتر و القلق بيؤدي بالتأكيد إلي ضعف الانتصاب و غيرها من أعراض خلل الوظائف الجنسية. ومن الممكن تقليل التوتر والإجهاد والقلق من خلال تمارين التنفس واليوجا والجري والمشي واللي بتساعد في تقليل مستويات القلق والتوتر.
4. التوقف عن التدخين:
   من المعروف إن التدخين بيؤدي إلي عوائق فسيولوجية تؤدي إلي ضعف الانتصاب ، لكن الضرر دا بيكون غير دائم و ممكن يتم عكسه من خلال إيقاف التدخين قبل منتصف العمر .
5.  اتباع نظام غذائي لتحسين الوظائف :
   دي مجموعه من اهم الأطعمة اللي بتساعد ف تحسين وظائف الانتصاب و الظروف الصحية الجنسية:
   لحم البقر العلفي العضوي ، سمك السلمون البري ، الدجاج العضوي و اللحوم العضوية الأخرى ، الأطعمة الغنية بالألياف زي الفواكه و الخضراوات الطازجة، مصادر الدهون الصحية زي المكسرات و البذور و الأفوكادو و زيت جوز الهند ، الحبوب الخالية من الجلوتين زي الشوفان و الأرز البني.
6. تجنب الأطعمة الحريفة ( الأكل إلي بيحتوي علي الشطة):
   وكمان لازم نبعد عن الأكل اللي بيسبب الالتهابات و بيزود التوتر و بيسبب التعب و بيأثر علي التوازن الهرموني زي :

• الزيوت النباتية المكررة
• الأغذية المعلبة والمجهزة
• الحبوب المكررة والمجهزة
• المحليات الصناعية
• المشروبات المحلاة
• الإفراط في الكافيين

• النوم بشكل منتظم و صحي:
  أنماط النوم السيئة عامل مؤثر من عوامل ضعف الانتصاب و الأبحاث العلمية بتشدد علي العلاقة بين الهرمونات زي هرمون التستوستيرون و الوظيفة الجنسية و النوم.
  الالتزام بجدول نوم محدد هو علاج طبيعي لضعف الانتصاب.
• الابتعاد عن الكحوليات:
  الكحول من المثبطات اللي بتسبب ضعف الانتصاب المؤقت و طويل المدي. واستهلاك الكحول بنسب كبيره بيقلل من كفاءه الجهاز العصبي المركزي وبيخليه يشتغل بكفاءة اقل وبالتالي بينتج أكسيد النيتريك بشكل اقل ولازم نبقي فاهمين إن أكسيد نيتريك قليل بيساوي ضعف انتصاب.
• خد بالك من الأدوية اللي بتاخدها:
  ضعف الانتصاب ممكن يكون اثر جانبي للأدوية اللي بتاخدها لحالات صحيه تانية.
  زي أدوية ضغط الدم المرتفع  و مضادات الاكتئاب و بعض مدرات البول وأدويه القلب و أدوية الكوليسترول و الأدوية المضادة للذهان و الأدوية الهرمونية و العلاج الكيميائي و أدوية الصلع الذكوري.
  عشان كدا لازم تراجع الطبيب بخصوص الأدوية اللي بتاخدها.
• العلاج بالوخز بالإبر
  أثبتت الدراسات إن الوخز بالإبر أحيانا بيكون علاج فعال لضعف الانتصاب بنسبه تصل ال 90 %
• العلاجات العشبية :
  في علاجات عشبيه كتير بيتم ترويجها لعلاج ضعف الانتصاب و لكن نسبتهم بتكون ضعيفة جدا في العلاج و لكن من العلاجات العشبية اللي أثبتت كفاءه و نسب كبيره في العلاج هي : الجينسينج الأحمر و عصير الرمان. لان الجينسينج الأحمر بيزود من إنتاج أكسيد النيتريك و اللي بيحسن تدفق الدم و عصير الرمان بيعتبر من مضادات الأكسدة الطبيعية القوية و اللي بتمنع تصلب الشرايين. بس بينصح استخدامهم بعد مراجعه الطبيب عشان ميكونش في أي تضارب مع أدوية أخري ممكن تكون بتاخدها.
• العلاج الدوائي:
  بعض الأدوية بتحفز تدفق الدم إلى القضيب وبتساعد في علاج الضعف الجنسي زي:
  البروستاديل ، افانافيل ، سيلدينافيل ، تادالافيل ، هرمون التستوستيرون ، فاردينافيل.
• المتابعة مع أخصائي نفسي :
  ممكن يكون السبب لمشكه ضعف الانتصاب هو القلق أو التوتر أو بعض المشاكل المؤثرة علي العلاقة و بالتالي الوجود المستمر داخل دائرة التوتر و القلق بيعمل ضعف الانتصاب و مشاكل في العلاقة الزوجية.
  لو مش عارف تتخلص من التوتر و المشاكل  و القلق ممكن تستشير دكتور نفسي أو أخصائي نفسي لأنه هيكون قادر علي مساعدتك بشكل افضل و علمي و سليم.
• العلاج بالحقن :
  يمكن علاج ضعف الانتصاب بالحقن من خلال حقن القضيب مباشره و دا بيعتمد علي توسيع الأوعية الدموية داخل القضيب.
• العلاج من خلال أجهزة الضخ:
  في الحالة بيوضع القضيب داخل أنبوب اسطواني الشكل وبعد كدا بتقوم الأنبوبة بشفط الهواء عشان تسبب ضغط سلبي علي القضيب و دا بيساعد علي امتلائه بالدم و من خلال دا بيحدث الانتصاب.
• الجراحة:
  ضعف الانتصاب ممكن يكون بسبب ضيق الشرايين الواصلة للقضيب و دا بيكون غالبا مع صغار السن و بيكون علاج الانسداد دا من خلال الجراحة.
• الزرع :
  مع الحالات اللي بيكون فيها ضعف انتصاب كامل بيتم زرع أنبوبتين قابلتين للنفخ و بيتم وضعهم جراحيا داخل القضيب و لما بيرغب الرجل في الانتصاب بيقوم بنفخهم من خلال مضخة صغيره.

وطبعا افضل حل لمشاكل ضعف الانتصاب أو مشاكل الضعف الجنسي انك تستشير دكتور متخصص عشان يوضحلك السبب بالضبط ويختار العلاج المناسب لحالتك, هتلاقي دكاتره ذكوره و عقم على موقعنا تقدر تختار منهم دكتور ذكوره و عقم مناسب ليك عشان تطمن على صحتك:

References:

https://www.healthline.com/health/erectile-dysfunction#outlook

https://www.healthline.com/health/erectile-dysfunction/ed-natural-treatments

https://www.everydayhealth.com/pictures/lifestyle-changes-natural-treatments-erectile-dysfunction/#can-herbal-remedies-help-or-hurt-erectile-dysfunction

https://draxe.com/erectile-dysfunction/