إزاي تحسن الذاكرة، وإيه الأطعمة اللي المخ بيحبها

عمرك ضيعت مفاتيحك ونسيت حطتها فين؟ قابلت حد عارفه ونسيت كان إسمه إيه؟ حطيت حاجة على النار ونسيت إنك حطتها؟ ولا كان عندك إمتحان ومعرفتش تفتكر مذاكرتك؟ أغلبنا بقينا بننسى في معظم الأوقات ويمكن حاجات مهمة كمان وده بيسببلنا إنزعاج وضيق.
في معظم الأحيان دي بتكون إشارة لإنشغال الشخص بأكتر من حاجة، وفي عوامل تانية بتلعب دور في ضعف الذاكرة زي: الوراثة والعمر والحالات الطبية اللي بتأثر على الدماغ.

إزاي نحسن الذاكرة؟

1. تمارين المخ

بطريقة مشابهة للعضلات، بيحتاج الدماغ للإستخدام المنتظم عشان يفضل في صحة جيدة، لذلك التدريبات الذهنية مفيدة للذاكرة.
تدريبات المخ بتكون زي حل الكلمات المتقاطعة أو ألعاب زي اللي بتقدمها تطبيقات ألعاب العقل.

2. الرياضة

ممارسة الرياضة البدنية لها تأثير إيجابي على صحة الدماغ، زي: المشي السريع، الجري، السباحة،الرقص أو غير ذلك من الرياضات.

3.التأمل

التأمل يحسن من وظائف المخ ويحسن الذاكرة طويلة المدى، ويحافظ على صحة المخ.

4. الحصول على قسط كافِ من النوم

النوم ضروري لصحة الدماغ بشكل عام. ممكن تعطيل دورة النوم الطبيعية يسبب تعطيل لعملية إنشاء الذكريات في الدماغ.
الحصول على راحة والنوم ليلًا عادة حوالي 7:9 ساعات لشخص بالغ، يساعد الدماغ على إنشاء وتخزين ذكريات طويلة المدى.

5. تقليل تناول السكر

وجد الباحثون إن اتباع نظام غذائي غني بالمواد السكرية من الممكن يكون ليه إرتباط بحصول مرض ألزهايمر، تجنب السكر أو التقليل منه ممكن يساعد في تجنب مرض ألزهايمر.
أما السكريات الموجودة في الفواكه فهي صحية.

6. زيادة كمية الكافيين

الكافيين الموجود في القهوة أو الشاي الأخضر قد يكون مفيد للذاكرة، الكافيين بيعزز الذاكرة في المدى القصير.

7. أكل الشيكولاتة الداكنة

أشارت دراسات إلى إن مادة فلافونويد الكاكو، وهي المركبات النشطة في الشكولاتة، تساعد في تعزيز وظائف المخ.

أطعمة مفيدة للمخ

المخ بيستهلك حوالي 20% من السعرات الحرارية للجسم، عشان كده مهم نهتم بغذائنا يكون صحي عشان نحافظ على تركيز المخ طول اليوم.
الدماغ بيتطلب بعض العناصر الغذائية للحفاظ عليه بصحة جيدة، زي:

• الأسماك الدهنية:
  مصدر جيد لأوميجا 3، وهو حمض دهني مهم جدًا في بناء الأغشية الخلوية في كل الجسم بما في ذلك خلايا الدماغ، وبالتالي بيحسن بنية خلايا الدماغ.
  ومن الممكن يكون ليه تأثير على الإدراك وقدرة التفكير
  من أمثلة الأسماك الدهنية: السالمون، التونة، ماكريل، السردين
  أوميجا 3 موجود كمان في فول الصويا والمكسرات وبذور الكتان.
  
• الشكولاتة الداكنة:
  تحتوي على الكاكو اللي بيحتوي على مادة مضادة للأكسدة.
  تعتبر مضادات الأكسدة مفيدة بشكل خاص للمخ،لإنه معرض أكتر للإجهاد التأكسدي.
  
• التوت:
  بيحتوي على مضادات الأكسدة ليها العديد من الآثار الإيجابية على الدماغ، زي تحسين التواصل بين خلايا الدماغ،والحد من الإلتهابات، تعزيز التعلم والذاكرة.
  
• المكسرات والبذور:
  تحتوي على اوميجا 3 وفيتامين هـ، البذور والمكسرات اللي بتحتوي على فيتامين هـ زي: بذور زهرة عباد الشمس، اللوز، البندق.
  
• الحبوب الكاملة:
  بتحتوي على فيتامين هـ، تشمل: الأرز البني، الشعير، البرغل، الشوفان، الخبز والمكرونة المصنوعين من الحبوب الكاملة.
  
• القهوة:
  من المعروف إن الكافيين اللي في القهوة بيزيد اليقظة، كمان بيزيد من قدرة الدماغ على معالة المعلومات.
  
• الأفوكادو:
  مصدر للدهون غير المشبعة الصحية، المصادر الأخرى للدهون غير المشبعة تشمل: اللوز، الكاجو، الفول السوداني، بذور الكتان، بذور الشيا، زيت فول الصويا، زيت عباد الشمس.
  
• الفول السوداني:
  يحتوي على دهون غير مشبعة وبروتين وفيتامين هـ .
  
• البيض:
  مصدر جيد لفيتامين ب 6، ب 12، حمض الفوليك.
  
• البروكلي:
  يحتوي على فيتامين ج والفلافونويد، مواد مضادة للأكسدة بتزيد من صحة الدماغ.
  
  

• الأطعمة اللي ذكرناها من الممكن تحسن الذاكرة والتركيز بشكل كبير، وبعضهم بيقلل إحتمالية الإصابة بأمراض الأعصاب على المدى البعيد.
• بالإضافة للنظام الغذائي الصحي،بعض العادات مفيدة للجسم بشكل عام وللمخ، زي: الأكل كميات معتدلة، أخذ قسط كافِ من النوم، شرب الماء بإنتظام،ممارسة التمارين الرياضية، تقليل الضغط عن طريق ممارسة اليوجا او التأمل.

لو شاكك ان عندك مشكله في الذاكره احجز عند دكتور مخ و اعصاب من الدكاتره المتخصصين علي موقعنا.

المراجع:

https://www.medicalnewstoday.com/articles/326068.php#memory-impairment
https://www.medicalnewstoday.com/articles/324044.php#summary