ألم الظهر: أسبابه وإزاي نتخلص منه

ألم الظهر بيحصل بسبب إصابة أو إجهاد أو حالات طبية معينة، بيحصل لأي عمر،وبيزيد في الأعمار الكبيرة بسبب طبيعة الوظيفة السابقة او حالات طبيبة مختلفة.

اسباب ألم الظهر

الظهر بيتكون من مجموعة معقدة من العضلات والأربطة والعظام والغضاريف مع بعضهم بيأدوا وظيفة تدعيم الجسم وإتاحة مساحات مختلفة من الحركة.
أي مشكلة في جزء منه بيسبب ألم في الظهر، وفي بعض حالات الألم بيكون السبب غير معروف.
الأسباب ممكن تكون وضع جلوس خاطئ أو الإجهاد أو حالات طبية.

الإجهاد

معظم آلام الظهر بتكون بسبب الإجهاد، على سبيل المثال:
- التشنج العضلي
- الشد العضلي
- الإصابات أو الكسور

بعض الممارسات بتأدي لإجهاد الظهر زي:
- حمل أوزان ثقيلة بدون توازن بين الجانبين
- حركة مفاجئة ومجهدة للظهر
- وضع الجلوس الخاطئ، زي الإنحناء لفترات طويلة
- الوقوف أو الجلوس لفترات طويلة
- النوم على مرتبة غير مريحة

حالات طبية

الإنزلاق الغضروفي، أو إلتهاب المفاصل أو هشاشة العظام أو عرق النسا.
أمراض الكلى بردو بتسبب ألم في الظهر
حالات طبية أخرى ممكن تؤدي لآلام الظهر: مشاكل في النوم، عدوى في العمود الفقري، عدوى في مناطق تانية زي الحوض أو المثانة ، سرطان العمود الفقري

عوامل خطورة ألم الظهر

في عوامل بتخلي الشخص معرض أكترلآلام الظهر زي:

• الحمل
• وظائف معينة
• سوء اللياقة البدنية
• نمط حياة قليل النشاط
• كبار السن
• السمنة والوزن الزائد
• التدخين
• ممارسة رياضة شاقة لو تم القيام بها بشكل غير صحيح
• عوامل وراثية
• النساء معرضين أكتر لآلام الظهر من الرجال

علاج ألم الظهر

ألم الظهر بيخف بالراحة أو بالعلاجات المنزلية في معظم الحالات، وفي بعض الحالات بيحتاج علاج طبي

العلاجات المنزلية لألم الظهر

مسكنات الألم زي الإيبوبروفين بتخفف ألم الظهر، أو وضع كيس تلج على موضع الألم بيخففه.
كمان الراحة من المجهود المرهق ليها دور كبير في تخفيف الألم

العلاج الطبي

لو العلاجات المنزلية والراحة مخففتش الألم، الطبيب هيقترح واحدة من العلاجات دي: العلاج الطبيعي، إستخدام أدوية، أو الاتنين
لو العلاج بالطرق دي مكانش فعال. في طرق تانية زي الكورتيزون او البوتوكس أو العلاج المعرفي السلوكي.

العلاج الجراحي

العلاج الجراحي لآلام الظهر نادر ، لكن في حالات الإنزلاق الغضروفي بيكون التدخل الجراحي خيار مطروح بالذات لو الألم مستمر والعصب واقع عليه ضغط

الوقاية من ألم الظهر

خطوات بسيطة لو عملناها هيقلل عامل الخطورة بالنسبالنا

• ممارسة التمارين الرياضية: التمارين بتقوي العضلات، وكمان بتحافظ على وزن الجسم
  تمارين زي تمارين التقوية الأساسية بتقوي عضلات الظهر والبطن أو تمارين المرونة بتحسن مرونة العضلات بما في ذلك عضلات العمود الفقري والساقين.
• النظام الغذائي: تأكد ان النظام الغذائي بتاعك بيحتوي على فيتامين د و الكالسيوم لأنهم ضرورين لصحة العظام.
• التدخين: المدخنين معرضين أكتر لألم الظهر مقارنة بغير المدخنين من نفس عمرهم وطولوهم ووزنهم
• وزن الجسم: زيادة وزن الجسم وبالذات في مناطق معينة زي البطن بيأثر على الظهر ويسبب ألمه
• وضعية الوقوف: تأكد عند وقوفك انك واقف مستقيم وظهرك مفرود
• وضعية الجلوس: تأكد ‘ن كرسيك مريح وظهرك مسنود كويس، لو بتستخدم الكيبورد تأكد إن مفصل المرفق عامل زاوية قايمة
• حمل الأشياء بطريقة صحيحة
• السرير: من الأفضل إن المرتبة تكون مريحة لتجنب آلام الظهر

لو بتعاني من آلام شديدة في الظهر ومحتاج تحجز عند دكتور عظام من على موقعنا

المراجع

https://www.medicalnewstoday.com/articles/172943#prevention