أعراض الذبحة الصدرية والجلطة القلبية الـ 12 وإزاي تعالجها

النوبة القلبيه او الذبحة الصدرية هي تلف وموت عضله القلب بسبب انسداد مفاجئ في الشريان التاجي من خلال جلطة دموية. والشرايين التاجية هي الأوعية الدموية اللي بتزود عضله القلب بالدم والأكسجين وبالتالي انسداد الشريان التاجي بيحرم القلب من الدم والأكسجين وبيسبب نوبة قلبيه وفي الحالة دي بنحس بالم وضغط في منطقه الصدر ولو ماتمش استعاده تدفق الدم لعضله القلب في خلال من 20 إلى 40 دقيقه في الحالة دي عضله القلب بتبدأ في الموت والرجوع بعد دا بيكون صعب وبتستمر عضله القلب في الموت لمده من 6 إلى 8 ساعات وفي الوقت دا بيكون المريض في حاله نوبة قلبيه كامله وبعد كدا بيتم استبدال عضله القلب الميتة بنسيج ندبي.

إيه هي العلامات المبكرة او أعراض النوبة القلبيه (الذبحة الصدرية)؟

1. اضطراب الصدر واللي بيظهر على شكل الم وامتلاء او إحساس بالضغط في منطقه الصدر.
2. الم الفك، وجع الأسنان، الصداع.
3. ضيق في التنفس.
4. غثيان.
5. قيء.
6. الم فوق المعدة.
7. عرق شديد.
8. حرقان في المعدة او عسر هضم.
9. الم في الذراع وفي الغالب بيكون في الذراع الشمال لكن ممكن يحصل في أي واحد او الاثنين.
10. الم في اعلي الظهر.
11. الشعور بحاله عامه من الضيق والاختناق.
12. ممكن بقي ميكونش في أي أعراض.

طب إيه اللي بيسبب النوبة القلبية أو الذبحة الصدرية؟

السبب الأساسي للنوبة القلبيه او الذبحة الصدرية هو تصلب الشرايين.
و تصلب الشرايين هو عمليه بتتم بالتدريج  و بيتم فيها ترسيب الواح من الكوليسترول علي جدران الشرايين و بالتالي بتتسبب في تصلب جدران الشرايين و تضيق القناه الداخلية للشريان و بالتالي مبتقدرش تقوم بنقل الدم بالكمية الكافية عشان تحافظ علي وظائف الجسم الطبيعية.
و تصلب الشرايين ملوش سن معين ممكن يبدأ من عمر صغير و أعراضه متظهرش غير متأخر و ممكن يبدأ في عمر متوسط او كبير و في الغالب أعراضه مبتظهرش إلا بعد مرحله البلوغ لما بتبقي قنوات الشرايين ضيقه جدا.

تصلب الشرايين التاجية:

تصلب الشرايين بيؤدي إلي تصلب الشريان التاجي (أمراض القلب التاجية) و دي بتشمل  النوبات القلبيه ، الوفاه المفاجئة غير المتوقعة ، و الم في الصدر(ذبحه صدريه) ،و عدم انتظام في ضربات القلب ، و فشل في القلب بسبب ضعف عضله القلب.

طب إيه علاقة تصلب الشرايين بالذبحة الصدرية؟

الذبحة الصدرية بتبقي عباره عن ضغط والم في الصدر ودا بيحصل لما بتكون عضله القلب مش قادره تلبي احتياجات الجم من الأكسجين. دا غير إن لو ضيق الشرايين التاجية لما بيوصل ل 50 إلى 70 في الميه ممكن الشرايين متقدرش توفر كميه أكبر من الدم في حاله إن الجسم بيبذل مجهود بيحتاج فيه لكميه دم أكبر من المعتاد زي ممارسه التمارين الرياضية. وبالتالي نقص إمداد القلب بالأكسجين بيؤدي لذبحه صدريه.

تصلب الشرايين والنوبة القلبيه:

ممكن سطح اللوحة اللي بيتجمع فيها الكوليسترول في الشريان التاجي ينفجر و بيشكل جلطه دموية بتمنع تدفق الدم من خلال الشريان و بالتالي بتؤدي لنوبه قلبيه.
و في خلال النوبة القلبيه مكن عضله القلب تموت لو متمش استعاده تدفق الدم بسرعه  خلال ساعه إلي 6 ساعات.

تشخيص النوبة القلبيه او الذبحة الصدرية :
ممكن يكون من خلال اكتر من حاجه زي : 

1. رسم القلب الكهربائي (ECG) 
2. تحاليل الدم القلبيه (التروبونين)، (CPK)
3. الرعاية والفحص الطبي المستمر

إزاي تتصرف لو حسيت بازمه قلبيه او ذبحه صدريه:

1. أول شيء لازم تروح لمستشفى مجهزه في أسرع وقت
2. وتعمل تحاليل قلب
3. تعمل أشعه أوعيه تشخيصيه
4. بيتم بعد كدا التدخل التاجي عن طريق الجلد (PCI)

لو عايز تتطمن على صحتك أو حاسس بأعراض النوبة القلبيه او الذبحة الصدرية أو حابب تتابع مع دكتور تقدر تحجز عند دكتور صدر و جهاز تنفسي من الدكاترة المتخصصين من خلال موقعنا:

References:

• https://www.medicinenet.com/heart_attack/article.htm#what_are_the_symptoms_of_a_heart_attack
• https://my.clevelandclinic.org/health/diseases/16818-heart-attack-myocardial-infarction/symptoms
• https://www.health.harvard.edu/heart-attack/heart-attack-myocardial-infarction